চিটাৰা ডেস্ক, ১৬ মে': যোৱা ১৩ মে'ত পৱিত্ৰ ঈদ-উল-ফিতৰৰ দিনাখনেই বলীউড ছুপাৰষ্টাৰ ছলমান খানৰ বহু প্ৰতীক্ষিত ছবি 'ৰাধে'ই মুক্তিলাভ কৰিছিল । সদ্য মুক্তি লাভ কৰা ছবিখন 'জি-৫' ত মুক্তিলাভ কৰিছিল । কিন্তু এই ছবিখনক লৈ এতিয়া সৃষ্টি হৈছে সংঘাতৰ । কিয়নো ছবিখনৰ পাইৰেচী কৰাসকলৰ বিৰুদ্ধে অভিনেতা ছলমান খানে কঠোৰ ব্যৱস্থা লোৱা হ'ব বুলি মন্তব্য কৰে । শনিবাৰে নিশা ছলমান খানে তেওঁৰ ইনষ্টাগ্ৰামত এই সতৰ্কবাণী শ্বেয়াৰ কৰে ।
ছবিখনৰ নিৰ্ধাৰিত মূল্য ২৪৯ টকা হোৱা স্বত্বেও একাংশ লোকে অবৈধ প্ৰক্ৰিয়াৰে ডাউনলোড কৰি উপভোগ কৰিছে । ইয়াৰ বিৰুদ্ধে চাইবাৰ চেলে পাইৰেটেড ছাইটসমূহৰ বিৰুদ্ধে ব্যৱস্থা গ্ৰহণৰ দিশে আগবাঢ়িছে ।