নিৰাপত্তাহীনতাত নগাঁৱৰ এটা পৰিয়াল

ইছলামপট্টিৰ খাইৰুল ইছলাম নামৰ লোকজনৰ ম্যাদী পট্টা থকা স্বত্তেও ভূমি বেদখলৰ চেষ্টা চলাইছে এটা চক্ৰই । ফলত বিগত কিছুদিন ধৰি নিৰাপত্তাহীনতাত ভুগিছে নগাঁও চহৰৰ ইছলামপট্টিৰ পৰিয়ালটো ।

নগাঁও, ২৩ এপ্ৰিল: বিগত কিছুদিন ধৰি নিৰাপত্তাহীনতাত ভুগিছে নগাঁও চহৰৰ ইছলামপট্টিৰ এটা পৰিয়াল । ইছলামপট্টিৰ খাইৰুল ইছলাম নামৰ লোকজনৰ ম্যাদী পট্টা থকা ভূমি বেদখল কৰাৰ বাবে এটা চক্ৰই চেষ্টা অব্যাহত ৰখাৰ অভিযোগ উত্থাপন হৈছে । পৰিয়ালটোৰ নামত থকা ভূমি এৰি দিবলৈ চক্ৰটোৱে সঘনে ভাবুকি দি আহিছে বুলি জানিব পৰা গৈছে ।

শেহতীয়াকৈ পৰিয়ালটোক দুই লাখ টকা দাবী কৰাৰ লগতে ঘৰত কোনো নথকাৰ সময়ত পৰিয়ালটোৰ মহিলা সদস্যক আক্ৰমণ কৰাৰ অভিযোগো উত্থাপন হৈছে । মহিলাগৰাকীক আক্ৰমণৰ অভিযোগত নগাঁও সদৰ আৰক্ষী থানাত এক এজাহাৰ দাখিল কৰিছে ।