আগৰতলা, 30 মে':সমাগত ত্ৰিপুৰা উপ-নিৰ্বাচন (Tripura by-election 2022) ৷ ত্ৰিপুৰাৰ চাৰিটা বিধানসভা সমষ্টিত আগন্তুক উপ-নিৰ্বাচনৰ পৰিপ্ৰেক্ষিতত দেওবাৰে আগৰতলাত এখন অনলাইন আৰু অফলাইন প্ৰশিক্ষণ কৰ্মশালা অনুষ্ঠিত কৰা হয় । আগৰতলাৰ পশ্চিম জিলা দণ্ডাধীশৰ কাৰ্যালয়ত জিলা নিৰ্বাচন বিষয়া, ৰিটাৰ্ণিং বিষয়া আৰু সহকাৰী ৰিটাৰ্ণিং বিষয়াসকলৰ বাবে এটা অনলাইন আৰু অফলাইন প্ৰশিক্ষণ কৰ্মশালাৰ আয়োজন কৰা হৈছিল ।
নিৰ্বাচন আয়োগৰ বিশেষজ্ঞসকলে অনলাইন কৰ্মশালাত অংশগ্ৰহণ কৰে ৷ কৰ্মশালাৰ আৰম্ভণিতে ত্ৰিপুৰাৰ মুখ্য নিৰ্বাচনী বিষয়া কিৰণ গিটে নিৰপেক্ষ আৰু শান্তিপূৰ্ণ নিৰ্বাচনৰ ওপৰত গুৰুত্ব আৰোপ কৰে (Training workshop held for fair and peaceful election)।
লগতে এই কৰ্মশালাত বিভিন্ন দলৰ প্ৰাৰ্থীৰ মনোনয়ন পত্ৰ দাখিল, মনোনয়ন পত্ৰ পৰীক্ষা, মনোনয়ন পত্ৰ প্ৰত্যাহাৰ, প্ৰাৰ্থীৰ ৰাজনৈতিক প্ৰতীক আৱণ্টন, নিৰাপত্তা নিয়োজন, ভোটগ্ৰহণ কৰ্মচাৰী দল গঠন, ভোটগ্ৰহণ সঠিকভাৱে কৰাৰ নিৰ্দেশনাও অন্তৰ্ভুক্ত থাকে ।