নেশ্যনেল ডেস্ক, ১৬ নৱেম্বৰ : জনজাতীয় গৌৰৱ দিৱস(Tribal Pride Day)ত অংশ লৈ বিৰচা মুণ্ডা(Birsa Munda)ক শ্ৰদ্ধাৰে স্মৰণ কৰিলে ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱে(CM Biplab Deb) । সোমবাৰে ত্ৰিপুৰাৰ খুমুলৱাংস্থিত ত্ৰিপুৰা জনজাতীয় অঞ্চল স্বায়ত্ব শাসিত জিলা পৰিষদ(TTAADC)ৰ মুখ্য কাৰ্যালয়ত অনুষ্ঠিত কৰা হয় জনজাতীয় গৌৰৱ দিৱস । বন্তি প্ৰজ্বলন কৰি মুখ্যমন্ত্ৰীয়ে অনুষ্ঠানটিৰ উদ্বোধন কৰে ।
অনুষ্ঠানত বক্তব্য আগবঢ়াই তেওঁ কয় যে, বিৰচা মুণ্ডাই ভাৰতৰ স্বাধীনতা আন্দোলনৰ বাবে অৱদান আগবঢ়াই গৈছে । তেওঁ লগতে কয় যে, প্ৰধানমন্ত্ৰী নৰেন্দ্ৰ মোডী(Prime Minister Narendra Modi)য়ে জনজাতীয় গৌৰৱ দিৱসৰ জৰিয়তে জনজাতিবোৰৰ গৌৰৱময় ইতিহাস আৰু বীৰ নেতাসকলক সন্মান জনোৱাৰ বাবে পদক্ষেপ গ্ৰহণ কৰিছে ।
বহনক্ষম জীৱন ধাৰণৰ মান বিকাশ আৰু জনজাতিৰ বিকাশৰ বাবে তেওঁ বিশ্ব বেংক(World Bank)ৰ পৰা সহায় লৈ ১,২৯৫ কোটি টকাৰ প্ৰকল্প ব্যৱস্থাপনা গোট আৰম্ভ কৰিছে । অনুষ্ঠানত ভাষণ প্ৰদান কৰি মুখ্যমন্ত্ৰীগৰাকীয়ে কয় যে, পূৰ্বে স্বাধীনতা আন্দোলনত জনজাতীয় লোকৰ অৱদানক ইচ্ছাকৃতভাৱে উপেক্ষা কৰা হৈছিল ।
বিৰচা মুণ্ডাকে ধৰি জনজাতীয় নেতাসকলক যোগ্য সন্মান প্ৰদান কৰাত পূৰ্বৰ চৰকাৰৰ আন্তৰিকতা অভাৱ হৈছিল । কিন্তু প্ৰধানমন্ত্ৰী নৰেন্দ্ৰ মোডীয়ে জনজাতীয় গৌৰৱ দিৱসৰ জৰিয়তে এই ক্ষেত্ৰত উচিত পদক্ষেপ গ্ৰহণ কৰিছে । দেৱে কয় যে, ভাৰতৰ স্বাধীনতাৰ ইমান বছৰৰ পিছতো বিৰচা মুণ্ডাৰ জীৱনশৈলী বিতংভাৱে প্ৰচাৰ কৰাৰ বাবে কোনো পদক্ষেপ লোৱা হোৱা নাই ।
তেওঁ লগতে কয়, মহাৰাণী কাঞ্চন প্ৰভা দেৱী(Maharani Kanchan Prabha Devi)য়েও সঠিক সময়ত ত্ৰিপুৰাক ভাৰতৰ সৈতে সংযুক্ত কৰাত গুৰুত্বপূৰ্ণ অৱদান আগবঢ়াইছিল । দীৰ্ঘদিন ধৰি অৱহেলিত হৈ ৰোৱা উত্তৰ-পূৰ্বাঞ্চলৰ উন্নয়নৰ বাবে প্ৰধানমন্ত্ৰী মোডীয়ে প্ৰচেষ্টা চলাই আছে বুলিও তেওঁ মন্তব্য কৰে ।
আনহাতে, জনজাতীয় কল্যাণ মন্ত্ৰী মেভাৰ কুমাৰ জামাতিয়া(Tribal Welfare Minister Mevar Kumar Jamatia)ই ভাষণ প্ৰসংগত কয় যে, বিৰচা মুণ্ডা অতি মেধাৱী ছাত্ৰ আছিল যদিও তেওঁ পিছপৰা পৰিয়ালৰ পৰা আছিল । তেওঁ ব্ৰিটিছৰ দমন নীতিৰ বিৰুদ্ধে প্ৰতিবাদ সাব্যস্ত কৰিছিল । তেওঁ ভাৰতৰ স্বাধীনতা সংগ্ৰামতো নামি পৰিছিল । টিটিএএডিচিৰ মুখ্য কাৰ্যবাহী সদস্য পূৰ্ণচন্দ্ৰ জামাতিয়ায়ো বিৰচা মুণ্ডাক স্মৰণ কৰে ।
লগতে পঢ়ক:Tripura violence : দুই মহিলা সাংবাদিকক জামিন আদালতৰ
