رامپور: ریاست اترپردیش کے ضلع رامپور میں اگنی پتھ اسکیم کی خامیوں سے روشناس کرانے اور نوجوانوں کو بیدار کرنے کے مقصد سے کانگریس پارٹی کی جانب سے خصوصی تقریب کا انعقاد کیا گیا۔ اس موقع پر کانگریس کے ضلع صدر دھرمیندر دیو گپتا نے خطاب کرتے ہوئے کہا کہ 'ہمارے ملک کے وزیر اعظم کو کروڑوں لوگوں کی روزی روٹی کی کوئی فکر نہیں ہے۔ انہوں نے کہا کہ 'ملک کی ایک بڑی آبادی بھوک کا شکار ہے لیکن مرکز کی بی جے پی حکومت نفرت اور تقسیم کی سیاست کر رہی ہے۔' Congress Leader Dharmendra Dev Gupta criticism BJP Govt
دھرمندر دیو گپتا نے مزید کہا کہ 'مرکزی حکومت کی اگنی پتھ اسکیم ملک کو غلام کرنے کی سازش ہے اور ملک کو توڑنے کی ایک بہت بڑی سازش رچی جا رہی ہے۔ انہوں نے کہا کہ کانگریس نے اس ملک کو اپنے خون اور پسینہ سے سینچا ہے۔ انہوں نے کہا کہ اس ملک کی آزادی میں کانگریس کا کافی اہم کردار رہا ہے۔' Congress criticizes central government
یہ بھی پڑھیں: Agnipath Scheme: مظفرنگر میں اگنی پتھ اسکیم کے خلاف کانگریس کا ستیہ گرہ
دھرمندر دیو گپتا نے کہا کہ 'موجودہ حکومت اگنی پتھ اسکیم لاکر ملک کے ساتھ ایک بہت بڑی سازش رچ رہی ہے۔ کانگریس کے ضلع صدر نے یہ بھی بتایا کہ جب تک حکومت نوجوانوں کے مستقبل سے کھلواڑ کرنے والی اگنی ویر جیسی اسکیم کو واپس نہیں لے لیتی تب تک اس کے خلاف ستہ گرہ جاری رہے گا۔' Congress on Agneepath Scheme
