پلوامہ: جموں وکشمیر پولیس جہاں ایک جانب منشیات مخالف کاروائیاں جاری ہیں ۔اس مہم میں پولیس کو منشیات کے کاروبار سے منسلک افراد کو پکڑنے میں کامیابی مل رہی ہے جس کا مقصد جموں و کشمیر کو منشیات سے پاک بنانا ہے۔ اسی سلسلے کو جاری رکھتے ہوئے پولیس نے سیوک ایکشن پروگرام کے تحت ضلع پلوامہ کے نیوہ اسپورٹس اسٹیڈیم میں ٹی 20 کرکٹ ٹورنامنٹ کا انعقاد کیا جس میں نیوہ اور اس سے ملحقہ دیہات کے بچے شرکت کررہے ہیں۔ اس کرکٹ ٹورنامنٹ کا مقصد نوجوانوں کو کھیل کود کی سرگرمیوں سے منسلک کرنا اور منشیات سے دور رکھنا ہے۔
اس ٹورنامنٹ کا افتتاح ایس ایس پی پلوامہ محمد یوسف نے کہاکہ ان کے ہمراہ ضلع پولیس کے دیگر افسران بھی موجود تھے۔ کرکٹ ٹورنامنٹ میں علاقے کی 8 ٹیمیں شرکت کر رہی ہیں۔ اس موقع پر نوجوانوں نے بات کرتے ہوئے پلوامہ پولیس خاص کر ایس ایس پی پلوامہ محمد یوسف کا شکریہ ادا کیا اور کہا کہ پولیس کی جانب یہ ٹورنامنٹ کے انعقاد سے یہاں کے نوجوانوں کو اپنی صلاحیتوں کو نکھارنے میں مدد ملے گی۔
یہ بھی پڑھیں:Maha Dangal جموں میں بین الاقوامی مہا دنگل کا انعقاد
انہوں نے کہا کہ اس وقت نوجوانوں منشیات کا استعمال کرنے لگے ہے جبکہ پولیس ان نوجوانوں کو منشیات سے دور رکھنے کے لئے اقدامات اٹھارہی ہے جو ایک اچھی پہل ہے۔ اس موقع پر ایس ایس پی پلوامہ محمد یوسف نے بات کرتے ہوئے کہا کہ پولیس کی جانب سے ہر سال ایک اسپورٹس ٹورنامنٹ کا انعقاد کیا جاتا ہے۔ انہوں نے کہاکہ ہر ضلع میں کھیل کود کے مقابلے منعقد کئے جائیں گے۔
