احمدآباد میونسپل کارپوریشن میں اپوزیشن لیڈر Opposition Leader in Ahmedabad Municipal Corporation کے طور پر شہزاد خان پٹھان کے نام کا باضابطہ اعلان کردیا گیا، شدید مخالفت کے باوجود ہائی کمان نے شہزاد خان کے نام پر مہر ثبت کردی ہے۔ شہزاد خان کا نام سامنے آنے پر احمدآباد میونسپل کارپوریشن Ahmedabad Municipal Corporation کے دس کونسلروں نے بغاوت کرتے ہوئے استعفیٰ دے دیا تھا تاہم ان میں سے چار کونسلروں کو شو کاز نوٹس دیا گیا ہے۔
اپوزیشن رہنما منتخب ہونے کے بعد ای ٹی وی بھارت سے بات کرتے ہوئے شہزاد خان پٹھان نے کہا کہ سب سے پہلے میں کانگریس کے رہنماؤں کا دل کی گہرائیوں سے شکر ادا کرتے ہیں، جنہوں نے میرا انتخاب کیا۔ انہوں نے کہا کہ وہ راہل گاندھی کے ایک سپاہی ہیں اور وہ ہر طرح کے چیلنجز کا مقابلہ کرنےکےلیے تیار ہے۔
انہوں نے مزید کہا کہ کہ ایک سال قبل کورونا وبا کے دوران پارٹی انچارج راجیو ساتو جی کا انتقال ہوا تھا، اس لیے اپوزیشن رہنما کا اعلان نہیں کیا گیا تھا۔ بعدازاں رگھو شرما کو انچارج بنایا گیا، جس کے بعد مجھے اپوزیشن لیڈر کے طور پر منتخب کیا گیا۔
یہ بھی پڑھیں:
شہزاد خان نے ان کی ہورہی مخالفت سے متعلق کہا کہ جو لوگ مخالفت کررہے ہیں وہ کانگریسی نہیں ہے۔ ایک خاتون کونسلر کے ساتھ بدتمیزی سے بات کرنے کا الزام شہزاد خان پٹھان پر لگایا جارہا ہے۔ اس تعلق سے انہوں نے کہا کہ یہ الزام بالکل غلط ہے۔
