ریاست بہار کے ضلع کیمور میں واقع چہریہ گاٶں کی رہائشی کپورہ دیوی (45 سال) گذشتہ رات کسی کام سے کھیت کی جانب گئی تھی، رات کے اندھیرے میں بجلی کا تار کھیت میں گرا پڑا تھا اندھیرے کی وجہ سے خاتون تار سے ٹکرا گئی جس کی وجہ سے وہ موقع پر ہی فوت ہو گئی۔
اطلاع ملنے پر موقع پر پہنچی درگاٶتی پولیس نے لاش کو قبضہ میں لےکر پوسٹ مارٹم کے لیے بھبھوا صدر ہسپتال لایا۔ جہاں پوسٹ مارٹم کے بعد لاش کو اہلہ خانہ کے سپرد کر دیا گیا۔
واضح رہے کہ اس خاتون کے شوہر کا نام سریندر پرجاپتی ہے اور اس کے تین بیٹے اور تین بیٹیاں ہیں۔ اس نے اپنی تین بیٹیوں اور ایک بیٹا کی شادی کر رکھی تھی۔ بڑا بیٹا جئے پرکاش پرجاپتی سنہ 2017 سے ہی لا پتا ہے جس کا آج تک پتا نہیں چل پایا۔
