ممبئی (مہاراشٹر): اداکارہ ریچا چڈھا اپنے بوائے فرینڈ علی فضل کے ساتھ شادی کے بندھن میں بندھنے کو تیار ہیں۔ جہاں مداح ان کی شادی کی تفیصلات کا بے صبری سے انتظار کر رہے ہیں، وہیں اس درمیان ہمیں معلوم ہوا ہے کہ یہ جوڑا 4 اکتوبر کو شادی کرنے والا ہے۔ حالانکہ جوڑے نے ابھی تک اس کی تصدیق نہیں کی ہے لیکن اس سے پہلے ہی ریچا اور علی کی شادی کا دعوت نامہ انٹرنیٹ پر گردش کر رہا ہے۔Richa Chadha and Ali Fazal wedding
ریچا اور علی کی شادی کا وائرل ہورہا یہ دعوت نامے کافی دلچسپ نظر آرہا ہے۔ اس دعوت نامہ میں دونوں کو سائیکل پر بیٹھے دیکھا جاسکتا ہے۔ ماچس کے ڈبے کی شکل میں ڈیزائن کردہ اس دعوت نامے پر ' کپل میچز' لکھا ہوا ہے
اس سے قبل ریچا کے ایک قریبی ذرائع نے بتایا تھا کہ امکان ہے کہ وہ علی فضل کے ساتھ 4 اکتوبر کو ممبئی میں شادی کے بندھن میں بندھ جائیں گی اور یہ جوڑا ایک دن بعد اپنے خاندان، دوستوں اور انڈسٹری کے ساتھیوں ک ےلیے شادی کی تقریب کا اہتمام کرے گا۔ ان کی شادی کی تقریبات 30 ستمبر سے شروع ہو گی۔ شادی سے پہلے تین فنکشن منعقد کیے جائیں گے۔ کاک ٹیل، سنگیت اور مہندی۔اور ذرائع کے مطابق یہ تینوں تقاریب نئی دہلی میں منعقد ہونے کے امکان ہیں۔
اگرچہ ریچا نے اپنی شادی کے لیے کس طرح کا لباس منتخب کیا ہے۔ اس کے بارے میں اب تک کوئی معلومات حاصل نہیں ہوپائی ہیں، لیکن شادی کے زیورات بیکانیر سے منگوائے گئے ہیں۔ دہلی کی تقریب کے لیے اداکارہ کے زیورات کو بیکانیر کے ایک 175 سالہ پرانے جوہری خاندان نے تیار کیا ہے۔ خزانچی خاندان زیورات بنانے کے لیے کافی مقبول ہے ۔ ان کے ڈیزائن اور تیار کردہ زیورات کی دھوم پورے ملک میں ہے اور اب یہ ریچا کی شادی کے لیے خاص زیورات ڈیزائن کرنے والے ہیں۔
خیال رہے کہ گزشتہ ہفتے ریچا نے بے حد پیارے انداز میں سوشل میڈیا پر علی کے ساتھ اکتوبر میں ہونے والی شادی کی تصدیق کی تھی۔ اداکارہ نے ایک تصویر ٹویٹ کی تھی، جس میں لکھا تھا ' نئی زندگی، لوڈنگ'۔ ریچا نے اس ٹویٹ کے ساتھ کیپشن میں لکھا تھا ' اکتوبر کا انتظار نہیں کرسکتی'۔
جیسے ہی رچا کے ذریعہ یہ پوسٹ شیئر کیا گیا ویسے ہی مداحوں کی جانب سے مبارکباد دینے کا سلسلہ شروع ہوگیا۔ اصل میں ان دونوں کی شادی اپریل 2020 میں ہونے والی تھی لیکن کووڈ کی پابندیوں اور لاک ڈاؤن کی وجہ سےشادی کو ملتوی کردیا گیا۔
مزید پڑھیں:Richa Chadha and Ali Fazal Wedding ریچا چڈھا نے علی فضل کے ساتھ شادی کی تصدیق کر دی
