میرٹھ: ریاست اتر پردیش میں ضلع میرٹھ کے شاستری نگر علاقے کے زیدی نگر سوسائٹی میں رہنے والی مائرا جیلانی نے سی بی ایس سی امتحان انٹرمیڈیٹ کامرس میں 98 فیصد نمبرات حاصل کیا ہے۔ ان کی اس کامیابی سے نہ صرف والدین بلکہ محلے والوں میں زبردست خوشی پائی جارہی ہے۔
مائرا جیلانی نہ صرف اپنے اسکول ایم پی جی ایس بلکہ شہر کے تمام اسکولز میں پہلا مکام حاصل کیا ہے۔ مائرا کی اس کامیابی پر جہاں اس کے اسکول میں اس کی ہم جماعت اور اساتذہ کے ساتھ ساتھ دوست اور رشتہ داروں کیانب سے مبارک باد ملنے کا سلسلہ جاری ہے۔
ای ٹی وی بھارت کے ساتھ خاص گفتگو کے دوران مائرا جیلانی نے کہا کہ وہ آگے تعلیم جاری رکھنا چاہتی ہیں۔وہ اب سی اے بننا چاہتی ہے۔ ان کا کہنا ہے کہ انہیں Mathematica بہت پسند ہے۔ اس لیے وہ سی اے بن کر اپنے ملک و ملت کی خدمت کرنا چاہتی ہیں۔ وہ دیگر بچیوں کو پیغام دینا چاہتی ہیں کہ تعلیم کو مقصد بناکر اگر پڑھیں گے تو انشا اللہ اس میں کامیابی ضرور ملے گی کیونکہ اللہ تعالیٰ کسی کی محنت کو ضائع نہیں جانے دیتا۔
یہ بھی پڑھیں: علیزہ عباسی سی بی ایس سی بورڈ کے امتحان میں 98.4 فیصد کے ساتھ اسکول ٹاپر بنیں
انہوں نے مزید کہا کہ دل لگا کر پڑھنا چاہیے، کامیابی ضرور ملے گی۔ وہیں مائرا کے والد شاہد جیلانی کہتے ہیں کہ انہوں اپنی بچیوں کو اعلیٰ تعلیم دلانے کے لیے کبھی کسی چیز سے سمجھوتہ نہیں کیا۔
