گاندربل: ڈیمو کریٹک پراگریس آزاد پارٹی نے گاندربل میں ایک عوامی جلسے کا انعقاد کیا جس میں سری نگر پارلیمانی حلقہ سے پارٹی کے نامزد امید وار عامر بٹ، ضلع صدر گاندربل قیصر سلطان جن اور پارٹی کے دیگر لیڈر موجود تھے۔
اس موقع پر اپنی تقریر میں عامر بٹ نے کہا کہ لوگ تبدیلی کے لئے ان کے حق میں ووٹ دیں ۔اُنہوں نے نیشنل کانفرنس اور پی ڈی پی پر الزام عاید کیا کہ انہوں نے ہمیشہ گاندربل کو نظر انداز کیا۔ ان دو پارٹیوں کی وجہ سے کشمیری عوام کو نقصان پہنچا ہے۔
انہوں نے مزید کہا کہ این سی اور پی ڈی پی نے خاندانی سیاست کو ترجیح دی۔ یہاں کے عوام کے ساتھ صرف کھوکھلے وعدے کئے جبکہ غلام نبی آزاد نے مرکزی سرکار میں رہ کر اور جموں کشمیر کے وزیر اعلی رہنے کے دوران صرف عوامی نوعیت کے کام کئے۔
یہ بھی پڑھیں: منڈی ساتھرہ میں نیشنل کانفرنس کے زیر اہتمام اہم میٹنگ - Lok Sabha Election 2024
اس سے پہلے ضلع صدر گاندربل قیصر سلطان نے اپنے خطاب میں کہا کہ غلام نبی آزاد ایک بے داغ سیاسی لیڈر ہیں جنہوں نے جموں کشمیر کی ترقی میں چار چاند لگائے ۔نیز انہوں نے کشمیر میں جاری پکڑ رکڈ کا خاتمہ کیا جبکہ یہ غلام نبی آزاد ہی ہیں جنہوں نے فرضی جھڑپوں میں ملوث کئی پولیس افسروں کو سلاخوں کے پیچھے دھکیل دیا اور اس وقت بھی وہ جیل میں چکی پیس رہے ہیں
