ممبئی: بالی ووڈ کے میگا اسٹار امیتابھ بچن اور جنوبی ہندوستانی فلموں کے میگا اسٹار رجنی کانت کی سپر ہٹ جوڑی فلم ویٹین میں نظر آئے گی۔
غور طلب ہے کہ ٹی جے گنانویل کی تحریر اور ہدایت کاری میں بننے والی فلم ویٹین لائکا پروڈکشن کے بینر تلے بنائی جا رہی ہے۔ فلم کے میکرس لائکا پروڈکشن نے اپنے آفیشل ٹوئٹر اکاؤنٹ پر کچھ تصاویر شیئر کی ہیں۔
پہلی بلیک اینڈ وائٹ تصویر میں امیتابھ بچن اور رجنی کانت ایک ساتھ پوز دیتے ہوئے نظر آ رہے ہیں، جبکہ دوسری تصویر میں رجنی کانت اور امیتابھ بچن ایک دوسرے سے گلے ملتے نظر آ رہے ہیں۔ تیسری تصویر میں امیتابھ بچن اور رجنی کانت بات کرتے نظر آ رہے ہیں۔ پروڈکشن ہاؤس نے ایک کیپشن بھی لکھا ہے کہ ’دی ٹائٹنس آف انڈیان سنیما۔‘ سپر اسٹار رجنی کانت اور شہنشاہ امیتابھ بچن ممبئی میں ویٹین کے سیٹ پر۔
امیتابھ بچن نے اپنے انسٹاگرام پر رجنی کانت کے ساتھ ایک خوبصورت اور یادگار تصویر شیئر کرتے ہوئے لکھا کہ 'تھالا دی گریٹ رجنی کے ساتھ دوبارہ کام کرنے پر فخر محسوس کرتا ہوں، وہ بالکل نہیں بدلا، وہی عاجزی، وہی زمین سے جڑے ہوئے انسان، وہی عظمت۔'
اب مداح اس سپر ہٹ جوڑے پر پیار کی بارش کر رہے ہیں۔ دونوں سپر اسٹارز کو ایک ہی فریم میں دیکھ کر مداح کافی پرجوش ہو رہے ہیں۔ ایک مداح نے لکھا کہ 'سپر اسٹار اور بگ بی' ایک اور مداح نے لکھا ہے کہ 'لیجنڈز' تیسرا مداح لکھتا ہے، 'ایک فریم میں دو افسانے'۔
یہ بھی پڑھیں:
قابل ذکر ہو کہ امیتابھ بچن اور رجنی کانت نے آخری بار 1991 میں ریلیز ہونے والی فلم ہم میں کام کیا تھا۔ اس سے قبل دونوں اداکاروں نے فلم اندھا قانون (1983) اور گرفتاری (1985) میں اسکرین شیئر کیا تھا۔ (یو این آئی)
