Telangana Decade Day Celebrations 2023 : కళ్లు తిప్పనివ్వని లేజర్​ షో.. 10 నిమిషాల సినిమా అదుర్స్​

Telangana Decade Day Celebrations Laser Show In Hyderabad : తెలంగాణ దశాబ్ది ఉత్సవాలు రాష్ట్రవ్యాప్తంగా ఘనంగా జరుగుతున్నాయి. జూన్​ 3వ తేదీన రైతు దినోత్సవం జరుపుకున్న ప్రజానికం. జూన్​ 4న సురక్షా దినోత్సవం జరుపుతున్నారు. ఈ వేడుకలో భాగంగా సాయంత్రం దుర్గం చెరువు కేబుల్​ బ్రిడ్జి దగ్గర లేజర్, త్రీడీ​ షోను ప్రదర్శించారు. ఆ లేజర్​ షోలో తెలంగాణ ఆవిర్భావం నుంచి నేటి వరకు ఎంతగా అభివృద్ధి చెందిందో తెలుపుతూ.. వాటి ఆకృతులను ప్రదర్శించారు. మొదటగా దశాబ్ది ఉత్సవాల లోగోను చూపుతూ.. ఆ తర్వాత తెలంగాణ కోసం ఎందరో తమ ప్రాణాలను అర్పించిన వారి త్యాగాలను గుర్తు చేసుకుంటూ అమరవీరు స్తూపాన్ని ఏర్పాటు చేశారు. దానిని లేజర్​లో చూపించారు. 

భారతదేశంలోనే అతిపెద్ద అంబేడ్కర్​ విగ్రహం, తెలంగాణ శ్వేతసౌధం, కాళేశ్వరం ప్రాజెక్టు, వేముల వాడ మల్లన్న స్వామి, సీఎం కేసీఆర్​, టీహబ్​, పోలీసుల లోగో, మిషన్​ భగీరథ, డబుల్​ బెడ్​ రూం, సైబరాబాద్​ పోలీస్​ లోగో, షీ టీమ్స్​ లోగో.. ఆఖరికి జై తెలంగాణ జై భారత్​ అనే నినాదంతో లేజర్​ ముగిసింది. ఈ లేజర్​ షోను తిలకించడానికి ఎంతో మంది జనం అక్కడకు విచ్చేశారు. ఆ షోను చూసి అందరూ ఆనందం, ఆశ్చర్యంతో కరతాల ధ్వనులతో తెలంగాణ వేడుకలను జరుపుకున్నారు.