రేవంత్​ను​ సీఎం చేయాలంటూ అభిమానుల ఆత్మహత్య యత్నాలు

Revanth Reddy Fans Suicide Attempt At Ella Hotel : తెలంగాణ కాంగ్రెస్ పార్టీ ముఖ్యమంత్రిగా రేవంత్​ రెడ్డిని ప్రకటించడంలో జాప్యం జరుగుతోందంటూ గచ్చిబౌలి ఎల్లా హోటల్​ గేటు వద్ద ఆయన అభిమానులు ఆందోళనకు దిగారు. కొంతమంది యువకులు ఆత్మహత్య యత్నాానికి పాల్పడ్డారు. ఉమ్మడి మహబూబ్​నగర్​ జిల్లాకు చెందిన కొంతమంది యువకులు రేవంత్​రెడ్డి సీఎం అంటూ నినాదాలు చేశారు. పోలీసులు వారిని అడ్డుకునే క్రమంలో ఓ యువకుడు తన ఒంటిపై కిరోసిన్​ పోసుకుని ఆత్మహత్యకు యత్నించాడు. పోలీసులు వారిని అడ్డుకొని పోలీస్​ స్టేషన్​కు తరలించారు. మరికాసేపటికే మరో వ్యక్తి పెట్రోల్ పోసుకోవడంతో కాసేపు ఉద్రిక్తత నెలకొంది.

రేవంత్ రెడ్డి​ సీఎం కాకుండా చాలా కుట్రలు జరుగున్నాయని రేవంత్ అభిమానులు ఆరోపించారు. ఫలితాల వెల్లడి తరువాత నుంచి ఎన్నికైన కాంగ్రెస్ ఎమ్మెల్యేలంతా ఎల్లా హోటల్​లోనే ఉన్నారు. రేవంత్ రెడ్డి కూడా 48 గంటలుగా ఆ హోటల్​లో ఉన్నారు. సాయంత్రం డీకే శివకుమార్ హైదరాబాద్​ వచ్చిన తరువాత కొత్త సీఎం పేరును ప్రకటిస్తారని కాంగ్రెస్ వర్గాలు చెబుతున్నాయి.