Hero Nikhil at school opening in Kondapur : 'క్రీడాకారులు నిజమైన హీరోలు.. మేము రీల్​ హీరోలం'

Hero Nikhil at school opening in Kondapur : హైదరాబాద్​లోని కొండాపూర్​లో సినిమా హీరో నిఖిల్​ సందడి చేశారు. కొండాపూర్​లో నూతనంగా ఏర్పాటు చేసిన ఓ ప్రైవేట్​ స్కూల్​ నాల్గో బ్రాంచ్​ను నిఖిల్​ ప్రారంభించారు. ఈ సందర్భంగా మాట్లాడిన ఆయన.. దేశం కోసం పోరాడి మెడల్స్​ సంపాదించి పెడుతున్న క్రీడాకారులు నిజమైన హీరోలను అభివర్ణించారు. తాము రీల్​ హీరోలమని నిఖిల్​ చెప్పుకొచ్చారు. ఎండలు ఎక్కువగా ఉండటంతో పిల్లలు, పెద్దలు బయట ఎక్కువగా తిరగొద్దని ఆయన సూచించారు. మంచి నీళ్లు, ద్రవ పదార్థాలు ఎక్కువగా తీసుకోవాలని సలహా ఇచ్చారు. తన సినిమాలను ఎంతగానో ఆదరిస్తోన్న అభిమానులకు నిఖిల్​ కృతజ్ఞతలు తెలిపారు. అలాగే తన కొత్త సినిమా స్పై గురించి పలు విషయాలు వివరించారు. అన్ని సినిమాల మాదిరిగానే స్పై మూవీ కూడా ఆదరించాలని అభిమానులకు విజ్ఞప్తి చేశారు. ఆ తరువాత చిన్నపిల్లలతో కాసేపు ముచ్చటించారు. వారితో కలిసి సరదాగా ఆడిపాడారు. ఈ కార్యక్రమంలో చందానగర్ మున్సిపల్ డిప్యూటీ కమిషనర్ సుందాంశ్, స్కూల్​ డైరెక్టర్లు, సిబ్బంది, విద్యార్థులు అధిక సంఖ్యలో పాల్గొన్నారు.