మెడలో కోబ్రాతో వృద్ధుడి విన్యాసాలు- ఒక్క కాటుతో...
పొలంలో కనిపించిన భారీ తాచుపామును(King Cobra ) పట్టుకుని విన్యాసాలు చేస్తూ అదే పాము కాటుకు బలయ్యాడు ఓ వృద్ధుడు(man dies after playing with cobra ). ఈ సంఘటన అసోం, కాచార్ జిల్లాలో జరిగింది. ధోలాయ్ నియోజకవర్గం, బిష్నుపుర్ గ్రామానికి చెందిన రఘునందన్ భూమ్జీ(60).. ఇంటి సమీపంలోని పొలంలో పనులు చేసుకుంటుండగా.. భారీ పాము(King Cobra news) కనిపించింది. దానిని రఘునందన్ మెడకు చుట్టుకుని గ్రామం మొత్తం తిరిగాడు. స్థానికులకు చూపుతూ విన్యాసాలు చేయబోయాడు. ఓ సందర్భంలో చేతి నుంచి జారిపోయిన కోబ్రా.. కాటు వేసింది. వెంటనే జిల్లాలోని సిల్చార్ వైద్య కళాశాల, ఆసుపత్రికి తరలించారు. అప్పటికే ఆ వృద్ధుడు ప్రాణాలు కోల్పోయినట్లు వైద్యులు తెలిపారు.
Last Updated : Oct 6, 2021, 7:53 PM IST