కేకేకు గన్ సెల్యూట్​తో నివాళి.. సీఎం మమత పుష్పాంజలి

singer KK death: కోల్​కతాలో మంగళవారం కన్నుమూసిన ప్రముఖ గాయకుడు కృష్ణకుమార్‌ కున్నాథ్‌(కేకే)కు బంగాల్ ప్రభుత్వం ఘన నివాళులు అర్పించింది. రవీంద్ర సదన్​లో ఆయన మృతదేహానికి భద్రతా బలగాలు గన్ సెల్యూట్​ చేశాయి. బంగాల్ సీఎం మమతా బెనర్జీ కేకే మృతదేహాం వద్ద పుష్పాంజలి ఘటించారు. కేకే కుటుంబ సభ్యులు ఈ కార్యక్రమానికి హాజరయ్యారు. కోల్​కతాలో మంగళవారం లైవ్ ప్రదర్శన ఇచ్చిన కేకే.. తన హోటల్​కు వచ్చి హఠాత్తుగా కుప్పకూలిపోయారు. వెంటనే ఆయన్ను నగరంలోని సీఎంఆర్‌ఐ ఆసుపత్రికి తరలించగా.. కేకే మృతి చెందినట్లు వైద్యులు ధ్రువీకరించారు.