పట్టాలు తప్పిన గూడ్స్ రైలు లైవ్ వీడియో

బిహార్‌లోని గయా ప్రాంతంలో బొగ్గు లోడుతో వెళ్తున్న ఓ గూడ్సు రైలు బుధవారం పట్టాలు తప్పి బోల్తా పడింది. ఇందుకు సంబంధించిన లైవ్ దృశ్యాలు స్థానికుల కెమెరాకు చిక్కాయి. పట్టాలు తప్పినా వేగంగా రైలు ముందుకు కదలడం వీడియోలో కనిపిస్తోంది. ఈ ఘటనలో ప్రాణ నష్టం జరగలేదు. 58 వ్యాగన్లలో 53 చెల్లాచెదురయ్యాయి. దీంతో ఈ మార్గంలో ప్రయాణించాల్సిన పలు రైళ్ల రాకపోకలకు అంతరాయం ఏర్పడింది. రైల్వే సిబ్బంది వెంటనే ప్రమాద స్థలానికి చేరుకుని మరమ్మతులు చేపట్టారు. బ్రేక్‌ విఫలమవ్వడం వల్లే ఈ ప్రమాదం జరిగినట్లు సిబ్బంది గుర్తించారు.