ఎనిమిదేళ్ల బాలికపై అత్యాచార యత్నం... చితకబాదిన స్థానికులు

ఎనిమిదేళ్ల చిన్నారిపై అత్యాచారం చేసేందుకు ప్రయత్నించాడు ఓ కామాంధుడు. చిన్నారిని నిర్మానుష్య ప్రదేశానికి తీసుకెళ్లే క్రమంలో అరవగా... స్థానికులు గమనించి దుండగునికి బడిత పూజ చేశారు. అనంతరం పోలీసులకు అప్పగించారు.

వరంగల్​లో ఓ మైనర్ బాలికపై అత్యాచారానికి యత్నించిన ఘటన చోటుచేసుకుంది. కరీమాబాద్​కు చెందిన భాస్కర్ అనే వ్యక్తి ఎనిమిదేళ్ల చిన్నారికి మాయమాటలు చెప్పి... ఉర్సు గుట్ట ప్రాంతాన్నికి తీసుకెళ్లాడు. నిర్మానుష్య ప్రదేశానికి తీసుకెళ్తున్న క్రమంలో చిన్నారి భయాందోళనకు గురై కేకలు పెట్టింది. అటుగా వెళ్తున్న వ్యక్తులు బాలిక కేకలు విని భాస్కర్​ను నిలదీశారు. ఏంచేయాలో పాలుపోని స్థితిలో... భాస్కర్ పొంతన లేని సమాధానాలు చెప్పసాగాడు. అనుమానం వచ్చిన స్థానికులు భాస్కర్​ని చితకబాది పోలీసులకు అప్పగించారు. స్థానికుల ఫిర్యాదు మేరకు పోలీసులు కేసు నమోదు చేసి విచారణ చేపట్టారు.

ఇవీ చూడండి: రాజకీయ అరంగేట్రంపై కంగనా ఆసక్తికర సమాధానం