Seethakka at Dhabirpet: వరంగల్ జిల్లా దబీర్ పేటలో రాకేష్ అంతిమయాత్రలో ఉద్రిక్తత చోటు చేసుకుంది. రాకేష్ అంతిమయాత్రలో పాల్గొనేందుకు వచ్చిన ములుగు కాంగ్రెస్ ఎమ్మెల్యే సీతక్కను తెరాస నాయకులు అడ్డుకున్నారు. సీతక్క గోబ్యాక్ గోబ్యాక్ అంటూ తెరాస నాయకులు నినాదాలు చేయడంతో ఉద్రిక్త వాతావరణం ఏర్పడింది.
ఈ రాష్ట్రంలో ఓ మహిళా ఎమ్మెల్యేకే గౌరవం లేకుంటే సామాన్యుల పరిస్థితి ఏంటి? మేం ఎవర్నీ ఇబ్బంది పెట్టలేదు. కేంద్రం వెంటనే అగ్నిపథ్ను వెనక్కి తీసుకోవాలి. రాష్ట్రంలో కూడా పీసీసీ అధ్యక్షుడిని అరెస్టులు చేయడం సరైంది కాదు. - సీతక్క, ములుగు ఎమ్మెల్యే
వారు నివాళులర్పిస్తున్నప్పుడు మేమేందుకు నివాళులు అర్పించకూడదని సీతక్క ప్రశ్నించారు. దీంతో తీవ్ర వాగ్వాదం తలెత్తింది. పోలీసులు అక్కడికి చేరుకొని ఇరువైపులా నచ్చజెప్పే ప్రయత్నం చేశారు. ఒకవైపు ఈ వాగ్వాదం సాగుతుండగానే మరోవైపు తెరాస నాయకులు కాంగ్రెస్ కార్యకర్తపై దాడికి పాల్పడ్డారు. దీంతో పోలీసులు అక్కడికి చేరుకొని సీతక్కకు వలయంగా ఏర్పడి అక్కడ నుంచి తరలించారు. తెరాస నాయకుల తీరుపై సీతక్క తీవ్ర ఆగ్రహం వ్యక్తం చేశారు.
ఇవీ చదవండి:
Damera Rakesh's funeral: అశ్రునయనాల మధ్య ముగిసిన రాకేష్ అంత్యక్రియలు
ఆగని 'అగ్గి'.. వాహనాలు 'బుగ్గి'.. దేశవ్యాప్తంగా ఉద్ధృతంగా 'అగ్నిపథ్' నిరసనలు
