మహబూబ్‌నగర్-రంగారెడ్డి-హైదరాబాద్ పట్టభద్రుల ఎన్నికల్లో తాండూరు మున్సిపల్ ఛైర్పర్సన్ (తెరాస) దొంగ ఓటు వేసినట్లు ఆరోపణలు వెల్లువెత్తుతున్నాయి. తన తోటికోడలు పేరుతో నమోదైన ఓటును.. మున్సిపల్ ఛైర్పర్సన్ తాటికొండ స్వప్న తన ఓటుగా వేశారంటూ పలువురు ఆరోపించారు. ఈ నేపథ్యంలో స్వప్న దొంగ ఓటు వేశారంటూ కాంగ్రెస్ నేతలు ఎన్నికల కమిషనర్కు ఫిర్యాదు చేశారు. ఈసీ ఆదేశాలతో విచారణ చేపట్టిన కలెక్టర్‌.. స్వప్న దొంగ ఓటు వేసినట్లు నిర్ధారించారు.
ఫలితంగా స్వప్నకు వ్యతిరేకంగా బల్దియా కార్యాలయం ఎదుట విపక్షాలు ఆందోళనకు దిగాయి. స్వప్న తన పదవికి రాజీనామా చేయాలని డిమాండ్ చేశాయి.
మరోవైపు ఓ ప్రజాప్రతినిధి దొంగ ఓటు వేయడంపై విస్తృతంగా చర్చ జరుగుతోంది. ఓటరు ఇంటి పేరు, ఛైర్పర్సన్ స్వప్న ఇంటి పేరు ఒకటే కావటం వల్ల ఆమె ఎవరికీ అనుమానం రాకుండా ఓటు వేశారనే ప్రచారం జరుగుతోంది.
ఇదీ చూడండి: తికమక పెట్టే ఎమ్మెల్సీ ఎన్నికల లెక్కింపు ఎలా చేస్తారో తెలుసా..?
