ప్రభుత్వం ఇస్తున్న డబుల్ బెడ్రూమ్ ఇళ్లను అమ్మినా... కొన్నా జైలుకు పంపిస్తామని సిద్దిపేట కలెక్టర్ వెంకట్రామిరెడ్డి హెచ్చరించారు. సిద్దిపేట జిల్లా కేసీఆర్ నగర్ ఆడిటోరియంలో ఆరో విడతలో భాగంగా 192 మంది లబ్ధిదారులకు డబుల్ బెడ్రూమ్ ఇళ్ల పట్టాల పంపిణీ చేశారు. ఈ కార్యక్రమంలో కలెక్టర్, ఎమ్మెల్సీ ఫారూఖ్ హుస్సేన్, మున్సిపల్ ఛైర్మన్ రాజనర్సు పాల్గొన్నారు.
దేశంలో ఎక్కడా లేని విధంగా సిద్దిపేటలో ఇళ్లు కట్టామని, మంత్రి హరీశ్రావు ప్రత్యేక చొరవ చూపి ఎంతో కష్టపడి అన్ని వసతులతో ఇళ్లు కట్టించారని కలెక్టర్ గుర్తు చేశారు. ప్రభుత్వం అందించిన ఇళ్లను కాపాడుకోవాలని, ఎవరైనా అమ్మినా... కొనుగోలు చేసిన వారిపై చర్యలు తప్పవని హెచ్చరించారు. పట్టణంలో అర్హులైన వారందరికీ ఇళ్లు ఇవ్వడం ప్రభుత్వ లక్ష్యమని చెప్పారు.
ఇవీ చూడండి: విద్యార్థులే లక్ష్యంగా డ్రగ్స్ దందా.. పోలీసుల పటిష్ఠ నిఘా
