అందరూ చదువుకున్నప్పుడే సమాజంలో మార్పు, అభివృద్ధి సాధ్యం అవుతుందని రాష్ట్ర విద్యాశాఖ మంత్రి సబితా రెడ్డి అన్నారు. రంగారెడ్డి జిల్లా చేవెళ్ల మండలం వెంకిపల్లి, ఈర్లపల్లి గ్రామాల్లో ఎమ్మెల్యే కాల యాదయ్యతో కలిసి ఆమె అంబేడ్కర్ విగ్రహాలను ఆవిష్కరించారు.
అంబేడ్కర్ ఆలోచనలకు అనుగుణంగా రాష్ట్రంలో సీఎం కేసీఆర్ వివిధ పథకాలను అమలు చేస్తున్నారని చెప్పారు. రాజ్యంగ ఫలాలు సామాన్యులందరికీ చేరేలా ప్రభుత్వం కృషి చేస్తుందని పేర్కొన్నారు. ఎస్సీ, ఎస్టీ సబ్ప్లాన్ కోసం రూ.1000 కోట్ల కేటాయింపు సహకారం అందిస్తున్నట్లు ఆమె వివరించారు. అంబేడ్కర్ ఆశయ సాధనకు ప్రతి ఒక్కరూ కృషి చేయాలని మంత్రి తెలియజేశారు.
ఇదీ చూడండి : హైదరాబాద్‌లో వ్యాపారుల స్వచ్ఛంద బంద్
