మహిళలకు మేయర్, ఉపమేయర్ పదవులు ఇచ్చిన ఘనత తెరాసదేనని మంత్రి సబితా ఇంద్రారెడ్డి అన్నారు. రాష్ట్ర ప్రభుత్వం అన్ని రంగాల్లో మహిళలకు పెద్దపీట వేస్తోందని తెలిపారు. వారి సంక్షేమం కోసం షాదీ ముబారక్, కల్యాణలక్ష్మి, వితంతు పెన్షన్ అమలు చేస్తున్నామని పేర్కొన్నారు. రంగారెడ్డి జిల్లా కర్మాన్ఘాట్లోని చంద్ర గార్డెన్లో ఏర్పాటు చేసిన అంతర్జాతీయ మహిళ దినోత్సవంలో ఆమె పాల్గొన్నారు.
ఈ నెల 14న జరిగే ఎమ్మెల్సీ ఎన్నికల్లో వాణీదేవికి మొదటి ప్రాధాన్యత ఓటు వేసి గెలిపించాలని మంత్రి కోరారు. ప్రజలకు ఎల్లప్పుడు అందుబాటులో ఉంటూ ప్రభుత్వానికి, ప్రజలకు వారధిగా నిలుస్తుందన్నారు. ఈ కార్యక్రమంలో ఎల్బీనగర్ ఎమ్మెల్యే సుధీర్ రెడ్డి, ఎమ్మెల్సీ కసిరెడ్డి నారాయణ రెడ్డి, తెరా అభ్యర్థి వాణీదేవి పాల్గొన్నారు.
