అమ్మా నాన్నా ఐయామ్ సారీ.. అన్నా.. నేను చనిపోతున్నా.. నువ్వు అమెరికా నుంచి వచ్చేయ్

MBBS Student Suicide in Nizamabad : కొందరు విద్యార్థులు కుటుంబ ఆర్థిక పరిస్థితులు ఏ విధంగా ఉన్నా సరే జీవితంలో రాణించాలనే ఉన్నత ఆశయంతో కష్టపడి చదువుతున్నారు. పోటీ పరీక్షలలో రాణించి ఉన్నత విద్యలో రాణిస్తూ.. తాము ఎంచుకున్న లక్ష్యం వైపు అడుగులు వేస్తున్నారు. ఎన్నో ఒడిదొడుకులు ఎదుర్కొని తీరా చివరి మెట్టుపై బోల్తా పడుతున్నారు. ఏళ్ల తరబడి పడిన కష్టాన్ని మరిచి.. అలిసిపోయామంటూ మనోవేదనకు గురవుతున్నారు. తల్లిదండ్రులు, జీవితాశయం గురించి ఆలోచించకుండా క్షణికావేశంలో తీసుకునే నిర్ణయాలతో అర్ధాంతరంగా ఈ లోకాన్ని విడిచివెళ్తున్నారు. కన్నవారికి కడుపుకోత మిగిల్చి కానరాని లోకాలకు పయనమవుతున్నారు. తాజాగా నిజామాబాద్ ప్రభుత్వ కళాశాలలో ఇలాంటి ఘటనే చోటుచేసుకుంది. ఎన్నో ఆశలతో.. ఆశయాలతో.. డాక్టర్ అవుదామనుకున్న ఓ వైద్యవిద్యార్థి ఉరేసుకుని ఆత్మహత్య చేసుకున్నాడు.