నాగర్కర్నూల్ జిల్లా కొల్లాపూర్ మండలం చుక్కాయిపల్లికి చెందిన చాకలి అలివేలు, బిచ్చన్నలకు కుమారుడు శివశంకర్, కుమార్తె జ్యోత్స్న ఉన్నారు. ఉపాధి కోసం ఐదేళ్ల క్రితం హైదరాబాద్ వలస వెళ్లిన ఆ కుటుంబంలో.. తల్లి అలివేలు అనారోగ్యంతో మృతి చెందింది. భార్య మరణంతో నగరంలో ఉండలేక.. పిల్లలతో సహా స్వగ్రామానికి వచ్చి కూలీ పనులు చేసుకుంటున్న బిచ్చన్న కూడా అనారోగ్యంతో ఇటీవలే మరణించాడు.
తల్లిదండ్రుల మరణంతో ఆ ఇద్దరు చిన్నారులు అనాథలుగా మారారు. నాలుగో తరగతి పూర్తి చేసిన జ్యోత్స్న గురుకుల పరీక్షలో ప్రతిభ కనబర్చి కల్వకుర్తి పాఠశాలలో సీటు సాధించింది. వరసకు అమ్మమ్మ అయిన సరోజమ్మ ఇంట్లో ఉంటూ కొల్లపూర్లో ఆరో తరగతి చదువుతున్నాడు శివశంకర్. వారి ఆలనాపాలనా చూసుకునే తల్లిదండ్రులు మృతి చెందడం వల్ల ఆ చిన్నారుల భవిష్యత్ ప్రశ్నార్థకంగా మారింది. ప్రభుత్వం స్పందించి తమ భవిష్యత్ సాఫీగా సాగేందుకు తగిన తోడ్పాటునందించాలని ఆ పిల్లలు వేడుకుంటున్నారు.
- ఇదీ చూడండి : ఊర్లో ప్రియురాలు, దుబాయ్లో ప్రియుడు ఆత్మహత్య
