గణతంత్ర దినోత్సవాన్ని పురస్కరించుకొని.. మేడ్చల్ జిల్లాలో సైకిల్ ర్యాలీ నిర్వహించారు. జాతీయ జెండా చేతపట్టి సుమారు 130 మంది యువకులు ర్యాలీలో పాల్గొన్నారు. హైదరాబాద్ సైక్లిస్ట్స్ గ్రూప్ ఆధ్వర్యంలో ఈ కార్యక్రమం నిర్వహించారు.
సుచిత్ర చౌరస్తా వద్ద కుత్బుల్లాపూర్ ఎమ్మెల్యే జెండా ఊపి సైకిల్ రన్ను ప్రారంభించారు. మేడ్చల్ జాతీయ రహదారిపై 100 కిలోమీటర్ల మేర ఈ రన్ సాగింది. జాతి ఐక్యతను చాటడం కోసం త్రివర్ణ పతాకాలతో ర్యాలీ నిర్వహించినట్లు యువకులు చెప్పారు.
ఈ విజయం అందరిదని.. ఇదే స్ఫూర్తితో సవాళ్లను ఎదుర్కొందామని.. సైక్లిస్ట్స్ గ్రూప్ సభ్యులు అన్నారు.
