kukatpally MLA visit development works నియోజకవర్గంలో పెండింగ్ పనులు త్వరితగతిన పూర్తి చేయాలని కూకట్పల్లి ఎమ్మెల్యే మాధవరం కృష్ణారావు అధికారులను ఆదేశించారు. బాలాజీనగర్ డివిజన్లో పర్యటించిన జీహెచ్ఎంసీ ఆధ్వర్యంలో ఏర్పాటు చేసిన షటిల్ కోర్టును పరిశీలించారు. కేవలం డివిజన్ వాసులకే నామమాత్రపు రుసుముతో కేటాయించాలని ఎమ్మెల్యే సూచించారు.
అనంతరం కేపీహెచ్బీ ఫోర్త్ ఫేజ్లో మల్టీపర్పస్ ఫంక్షన్ హాల్ను పరిశీలించారు. సాంకేతిక సమస్యలు ఏమైనా ఉంటే వెంటనే పరిష్కరించాలని అధికారులకు ఆదేశాలు జారీ చేశారు. ఆ తర్వాత ఆరోఫేజ్లోని బతుకమ్మ కుంట పనులను తనిఖీ చేసిన ఎమ్మెల్యే.. పీవీ నరసింహారావు పార్కులోని ఓపెన్ జిమ్ను ప్రారంభించారు
అనంతరం ఆరో ఫేజ్ ఇండోర్ స్టేడియంలో ఏర్పాటుచేసిన అన్ని విభాగాల అధికారులతో ముఖాముఖి చర్చలో పాల్గొన్నారు. కేపీహెచ్బీ డివిజన్ అసోసియేషన్ అందరి సభ్యులందరితో అభివృద్ధిపై ఎమ్మెల్యే సమీక్ష నిర్వహించారు. ప్రధానంగా డివిజన్లో జరుగుతున్న అభివృద్ధిని వారికి వివరించారు. ఇంకా ఏమైనా సమస్యలు ఉంటే తెలియపరచాలని అసోసియేషన్ సభ్యులను ఆయన కోరారు. దీంతో వారికి ఉన్న సమస్యలను ఎమ్మెల్యేకు తెలియజేశారు.
ఇప్పటికే కేపీహెచ్బీ డివిజన్లో వందల కోట్ల రూపాయలతో అభివృద్ధి కార్యక్రమాలు చేపడుతున్నామని ఎమ్మెల్యే తెలిపారు. రోడ్లు, డ్రైనేజీ వ్యవస్థ, ఫ్లై ఓవర్లు, అండర్పాస్ బ్రిడ్జిలు, పార్కులు మంచినీటి నూతన పైప్ లైన్లతో డివిజన్ ఎంతో అభివృద్ధి చెందిందన్నారు. అక్కడక్కడ ఉన్న పెండింగ్ పనులు త్వరలో పూర్తి చేసి నియోజకవర్గాన్ని ఆదర్శ నియోజకవర్గంగా మారుస్తామని ఎమ్మెల్యే మాధవరం కృష్ణారావు హామీ ఇచ్చారు. ఈ కార్యక్రమంలో కార్పొరేటర్లు మందడి శ్రీనివాసరావు, పగుడాల శిరీష బాబురావు, కోఆర్డినేటర్ సతీష్ అరోరా, జోనల్ కమిషనర్ మమత, డీసీ రవికుమార్, సీఐ కిషన్, అన్ని విభాగాల అధికారులు పాల్గొన్నారు.
ఇవీ చదవండి: ఎగువ నుంచి పోటెత్తుతోన్న వరద, నిండుకుండల్లా జలాశయాలు
