ఆటో, కారు ఢీ... ముగ్గురికి తీవ్రగాయాలు

కురమురం భీం ఆసిఫాబాద్​ జిల్లా బురదగూడ వద్ద ఆటోను కారు ఢీ కొట్టి ప్రమాదం జరిగింది. ఈ ప్రమాదంలో ముగ్గురికి తీవ్రగాయాలయ్యాయి. ఒకరి పరిస్థితి విషమంగా ఉన్నట్లు వైద్యులు తెలిపారు.

కుమురం భీం ఆసిఫాబాద్ జిల్లా కాగజ్​నగర్ మండలం బురదగూడ వద్ద రోడ్డు ప్రమాదం జరిగింది. ముగ్గురికి తీవ్ర గాయలు కాగా ఒకరి పరిస్థితి విషమంగా ఉంది. కాగజ్​నగర్ నుంచి వెంపల్లి వైపు వెళుతున్న ఆటోను ఎదురుగా వస్తున్న కారు వేగంగా ఢీ కొట్టింది. ఆటో డ్రైవర్ శ్రీకాంత్, గురు, సుమన్​భాయికు తీవ్ర గాయాలయ్యాయి. క్షతగాత్రులను పట్టణంలోని ప్రైవేటు ఆసుపత్రికి తరలించి చికిత్స అందిస్తున్నారు. సుమన్భాయి పరిస్థితి విషమంగా ఉన్నట్లు ఆసుపత్రి వర్గాలు తెలిపాయి. ఘటనా స్థలికి చేరుకున్న పోలీసులు కేసు నమోదు చేసుకొని విచారణ చేపట్టారు.

ఇవీ చూడండి: "రేపటినుంచి పూర్తిస్థాయిలో బస్సులు నడిపేందుకు చర్యలు"