ఖమ్మం నగరంలోని గోళ్లపాడు ఛానల్ నిర్వాసితులకు వెలుగుమట్ల రెవెన్యూ పంచాయతీ పరిధిలో ఇళ్ల స్థలాలు ఇచ్చే విధంగా జాతీయ బీసీ కమిషన్ కృషి చేసిందని కమిషన్ సభ్యులు తల్లోజు ఆచారి తెలిపారు. ఈ మేరుకు ప్రభుత్వం ఇచ్చిన ఇళ్ల స్థలాలను ఆయన పరిశీలించారు.
వెలుగుమట్లలో పర్యటన సందర్భంగా స్థానికులతో మాట్లాడిన తల్లోజు ఆచారి వారి సమస్యలను అడిగి తెలుసుకున్నారు. ఈ మేరకు అధికారులతో మాట్లాడి.. వారి సమస్యలు పరిష్కరించేందుకు చర్యలు చేపట్టాలని ఆదేశించారు. త్వరలోనే విద్యుత్, రహదారులు, నీటి ఇబ్బందులను తొలగిస్తామని హామీ ఇచ్చారు. ఈ కార్యక్రమంలో ఖమ్మం మున్సిపల్ కమిషనర్ అనురాగ్ జయంతి, అదనపు కలెక్టర్ మధుసూదన్, ఆర్డీఓ రవీంద్ర తదితరులు పాల్గొన్నారు.
ఇదీ చదవండి: 'థామస్రెడ్డిపై కార్మికచట్టం ప్రకారం చర్యలు తప్పవు'
