బతుకమ్మ చీరలను ఆడపడుచులు ఉత్సాహంగా తీసుకెళ్తున్నారని కరీంనగర్లో మేయర్ సునీల్రావు తెలిపారు. తెలంగాణ రాష్ట్ర ప్రభుత్వం అందిస్తున్న బతుకమ్మ చీరల పంపిణీ కార్యక్రమంలో భాగంగా 31వ డివిజన్లో ఆయన పర్యటించారు. కార్పొరేటర్ లెక్కల స్వప్నవేణుతో కలిసి మేయర్ సునీల్రావు బతుకమ్మ చీరలను వితరణ చేశారు.
రాష్ట్ర ప్రభుత్వం మహిళలను ఆడబిడ్డలుగా భావించి ఏరాష్ట్రంలో లేని విధంగా సంప్రదాయ పండుగైన బతుకమ్మ కానుకగా చీరలను పంపిణీ చేస్తుందని ఆయన వెల్లడించారు. రాష్ట్ర ముఖ్యమంత్రి కేసీఆర్కి తెలంగాణ ఆడపడుచుల దీవెనలు నిండుగా ఉండి... ఆయురాగ్యోగంగా ఉండాలని కోరారు. రాబోయే రోజుల్లో బంగారు తెలంగాణ దిశగా రాష్ట్ర ప్రజలకు ఎన్నో సంక్షేమ పథకాలను అందించాలన్నారు.
ఇదీ చూడండి: 'పేదింటి ఆడబిడ్డకు పుట్టింటి కానుకగా బతుకమ్మ చీరలు'