మైనర్పై అత్యాచారం కేసులో తెరాస నాయకుడు అసిఫ్ను వెంటనే ఉరితీయాలని ఏబీవీపీ డిమాండ్ చేసింది. బాలికకు న్యాయం చేయాలంటూ ఏబీవీపీ ఆధ్వర్యంలో కామారెడ్డి జిల్లా కలెక్టరేట్ను ముట్టడించారు. దీంతో పోలీసులకు, ఏబీవీపీ కార్యకర్తలకు కాసేపు వాగ్వాదం చోటుచేసుకుంది. విద్యార్థులు అక్కడే రోడ్డుపై బైఠాయించి నిరసన తెలిపారు.
నిందితున్ని కఠినంగా శిక్షించాలి: మనోజ్
ఫాస్ట్ ట్రాక్ కోర్టు ద్వారా విచారణ చేసి బాలికపై అత్యాచారానికి పాల్పడిన అసిఫ్ను కఠినంగా శిక్షించాలని ఏబీవీపీ కన్వీనర్ మనోజ్ డిమాండ్ చేశారు. రాష్ట్రంలో మహిళలకు రక్షణ లేదని ప్రభుత్వాన్ని విమర్శించారు. బాలికకు తక్షణమే రూ.10 లక్షల ఎక్స్గ్రేషియా ప్రకటించాలని రాష్ట్ర ప్రభుత్వాన్ని కోరారు. పోలీసు వ్యవస్థ పకడ్బందీగా పని చేస్తున్నా అమ్మాయిలు, మహిళలపై అత్యాచారాలు ఎలా జరుగుతున్నాయని ప్రశ్నించారు. అనంతరం కొంతమంది విద్యార్థులు కలెక్టరేట్ ఏవోకు వినతిపత్రాన్ని అందజేశారు.
