జోగులాంబ గద్వాల జిల్లా వ్యాప్తంగా పలు వివాహ వేడుకల్లో కరోనా నిబంధనలకు విరుద్ధంగా వ్యవహరిస్తున్నట్లు తమ దృష్టికి వచ్చిందని ఎస్పీ రంజన్ రతన్ కుమార్ తెలిపారు. అలా ప్రవర్తించే వారిపై కఠిన చర్యలు తీసుకోవాలని జిల్లాలోని ఆయా పోలీసు అధికారులకు ఆదేశాలు జారీ చేశారు. జిల్లా కేంద్రంలో నాలుగో రోజు లాక్డౌన్ అమలు తీరును ఎస్పీ పరిశీలించారు.
10 గంటలు దాటిన తర్వాత ఎవరూ రోడ్లపైకి రావద్దని ఎస్పీ హెచ్చరించారు. ఆదేశాల్ని ఉల్లంఘించే వాహనాలను సీజ్ చేస్తామని.. చలానా విధిస్తామని స్పష్టం చేశారు. ప్రజలు తమకు సహకరించాలని కోరారు.
ఇదీ చూడండి: ఎండకు ఎండుతూ.. వానకు తడుస్తూ.. రైతుల ఎదురుచూపులు
