RS Praveen Kumar and Kodandaram under House Arrest : గ్రూప్-2 వాయిదా వేయాలంటూ రాష్ట్రంలో కొనసాగుతున్న ఆందోళనలు తీవ్రరూపం దాల్చుతున్నాయి. ఇటీవల వేలాది మంది అభ్యర్థులు టీఎస్పీఎస్సీ వద్ద నిరసనలు హోరెత్తించగా.. వివిధ పార్టీలు, ప్రజాసంఘాలు వారికి మద్దతు తెలిపాయి. గ్రూప్-2 పరీక్షపై ప్రభుత్వం స్పష్టతనివ్వాలంటూ టీజేఎస్ అధ్యక్షుడు కోదండరాం గన్‌పార్కు వద్ద మౌనదీక్షకు సిద్ధమయ్యారు.
TSPSC Clarity on Group 2 Exams Postpone : 'గ్రూప్-2 పరీక్ష వాయిదాపై ఆగస్టు 14న నిర్ణయం'
మరోవైపు.. బీఎస్పీ రాష్ట్ర అధ్యక్షుడు ఆర్ఎస్ ప్రవీణ్కుమార్ అమరవీరుల స్తూపం వద్ద దీక్ష చేపట్టేందుకు సిద్ధమయ్యారు. నేతల పిలుపుతో వివిధ ప్రాంతాల నుంచి గ్రూప్-2 అభ్యర్థులు పెద్దఎత్తున హైదరాబాద్‌కు చేరుకున్నారు. అప్రమత్తమైన పోలీసులు.. నిన్న రాత్రి నుంచి హైదరాబాద్ లక్డికాపూల్‌లోని బీఎస్పీ కార్యాలయం వద్ద భారీగా మోహరించారు. కార్యాలయం వైపు ఎవరూ రాకుండా దిగ్బంధం చేశారు.
Group-2 Postpone Protests in Telangana : ఆర్ఎస్ ప్రవీణ్కుమార్ను ఆయన నివాసం నుంచి బయటికి రాకుండా పోలీసులు నిర్బంధించారు. పోలీసుల తీరును ఖండించిన ఆయన.. ఇంట్లోనే దీక్ష చేయనున్నట్లు ప్రకటించారు. నిరుద్యోగులకు న్యాయం జరిగే వరకు పోరాటం ఆపబోమని స్పష్టం చేశారు. అలాగే.. మౌనదీక్షకు సిద్ధమైన ఆచార్య కోదండరాంను పోలీసులు గృహనిర్బంధం చేశారు. బయటికి రాకుండా ఆయన ఇంటి వద్ద పోలీసులు మోహరించారు.
Group-2 Candidates Protest on Exam Postpone : ఉస్మానియా యూనివర్సిటీకి చెందిన పలువురు విద్యార్థి సంఘాల నేతలను, అభ్యర్థులను పోలీసులు ముందస్తుగా అదుపులోకి తీసుకున్నారు. అభ్యర్థులను గందరగోళానికి గురిచేసేలా ప్రభుత్వం పరీక్షలను నిర్వహించేందుకు సిద్ధమవటం సరికాదని నేతలు సూచించారు. ఇప్పటికే పేపర్ లీకేజీలతో అయమోమయంలో ఉన్న వారిని.. ఒత్తిడిగి గురిచేసేలా వరుసగా పరీక్షలు నిర్వహిస్తే వారి జీవితాలు నాశనమవుతాయన్నారు. ప్రభుత్వం సానుకూల నిర్ణయం తీసుకోవాలని కోదండరాం కోరారు.
"ప్రభుత్వం పట్టింపులకు పోయి నిరుద్యోగుల జీవితాలతో చెలగాటమాడొద్దు. అభ్యర్థులను గందరగోళానికి గురిచేసేలా ప్రభుత్వం పరీక్షలను నిర్వహించేందుకు సిద్ధమవటం సరికాదు. ఇప్పటికే పేపర్ లీకేజీలతో అయమోమయంలో ఉన్న వారిని.. ఒత్తిడిగి గురిచేసేలా వరుసగా పరీక్షలు నిర్వహిస్తే వారి జీవితాలు నాశనమవుతాయి. గ్రూప్-2 పరీక్ష నిర్వహణపై ప్రభుత్వం సానుకూల నిర్ణయం తీసుకోవాలి". - కోదండరాం, తెజస అధ్యక్షుడు
"టీఎస్పీఎస్సీ పేపర్ లీకేజీ ఘటనతో.. ప్రభుత్వం పబ్లిక్ పరీక్షలు నిర్వహించడంలో విఫలమైంది. లీకేజీ అనంతరం.. వరుసగా పరీక్షలు నిర్వహించడం సమంజసం కాదు. గ్రూప్-2 పరీక్ష తేదీని మూడు నెలలు పొడిగించాలి. కేసీఆర్ తక్షణమే నిరుద్యోగులపై దృష్టిసారించి వారికి న్యాయం జరిగేలా చూడాలి. నిరుద్యోగులకు న్యాయం జరిగేవరకు పోరాటం ఆపబోము". - ఆర్ఎస్ ప్రవీణ్కుమార్, బీఎస్పీ నేత
Group-2 Candidates Protest Hyderabad : గ్రూప్-2 పరీక్షను వాయిదా వేయాలంటూ అభ్యర్థుల పోరుబాట
