Revanth Reddy letter to CM KCR: రాష్ట్రంలోని ఉద్యోగాలు, రిజర్వేషన్ల అంశంపై సీఎం కేసీఆర్కు టీపీసీసీ అధ్యక్షుడు రేవంత్ రెడ్డి లేఖ రాశారు. ప్రత్యేక రాష్ట్రం వస్తే ఉద్యోగాలు వస్తాయనుకుంటే నిరాశే మిగిలిందని ఆ లేఖలో రేవంత్రెడ్డి పేర్కొన్నారు. నోటిఫికేషన్ల పేరిట ఊరించడమే తప్ప ఉద్యోగాలు భర్తీ చేయలేదని రాష్ట్ర ప్రభుత్వంపై మండిపడ్డారు. 8 ఏళ్ల తెరాస పాలనలో నిరుద్యోగులకు నిరాశే మిగిలింది తప్ప న్యాయం జరగలేదని ఆయన వాపోయారు.
రాష్ట్రంలోని నిరుద్యోగ ఈడబ్ల్యూఎస్ అభ్యర్థులకు ఈడబ్ల్యూఎస్ వర్తించదా అని ప్రశ్నించారు. రాష్ట్ర పోలీసు నియామకాల్లో ఈడబ్ల్యూఎస్ రిజర్వేషన్లు పాటించలేదని రేవంత్ తెలిపారు. సుప్రీంకోర్టు ఇచ్చిన తాజా తీర్పు ప్రకారం చూసినా అన్యాయమే జరుగుతోందని ఆవేదన వ్యక్తం చేశారు. పోలీసు ఉద్యోగాల ప్రక్రియలో ప్రభుత్వం ఈడబ్ల్యూఎస్ను అనుసరించకపోవడం వల్ల దాదాపు 15వేల మంది అభ్యర్థులు నష్టపోతున్నారని అన్నారు. ఎస్ఐ, కానిస్టేబుల్ ఉద్యోగాల్లో ఈడబ్ల్యూఎస్ కోటాను నిర్ణయించాలని రాష్ట్ర ప్రభుత్వానికి విజ్ఞప్తి చేశారు.
ఇవీ చదవండి:
