తెలంగాణ పెట్టుబడులు, అవకాశాలు, ఇతర అంశాలతో సమగ్రంగా రూపొందించిన "పింక్ బుక్- ఇన్వెస్టర్స్ గైడ్ ట తెలంగాణ 2021" పుస్తకాన్ని పరిశ్రమల శాఖ మంత్రి కేటీఆర్ హైదరాబాద్లోని ప్రగతి భవన్లో ఆవిష్కరించారు. రాష్ట్రంలో ఉన్న పెట్టుబడి అవకాశాలు, సౌకర్యాలు, మౌలిక వసతులను తెలిపే ఈ పుస్తకం పెట్టుబడిదారుల భవిష్యత్ నిర్ణయాలకు ఉపయోగపడుతుందని కేటీఆర్ అన్నారు. సులభతర వాణిజ్యంలో దేశంలోనే ఉత్తమ రాష్ట్రాల్లో ఒకటిగా ఉండాలని తెలంగాణ లక్ష్యంగా పెట్టుకుందని పేర్కొన్నారు. పింక్ బుక్ రంగాల వారి ప్రభుత్వ విధానాలను తెలుపుతుందని.. సులభతర వాణిజ్యాన్ని పెంపొందించటంలో ఈ పుస్తకం ఉపయోగపడుతుందని అన్నారు.
ఈ పుస్తకం విడుదల సంబంధించిన ట్వీట్ చేసిన మంత్రి కేటీఆర్... పెట్టుబడిదారుల దృక్కోణంలో రాష్ట్రాన్ని ఈ పుస్తకం ఆవిష్కరిస్తుందని పేర్కొన్నారు. పుస్తకం పీడీఎఫ్ లింక్ ట్వీట్టర్లో జత చేశారు. పర్యాటక, సాంస్కృతిక శాఖ మంత్రి శ్రీనివాస్ గౌడ్, పరిశ్రమల శాఖ ముఖ్య కార్యదర్శి జయేశ్ రంజన్, ఇతర అధికారులు ఈ కార్యక్రమానికి హాజరయ్యారు.
" పింక్ బుక్- ఇన్వెస్టర్స్ గైడ్ టు తెలంగాణ 2021 పుస్తకాన్ని ఆవిష్కరించడం ఆనందంగా ఉంది. పింక్ బుక్ పెట్టుబడిదారుల దృక్కోణాన్ని చూచిస్తోంది"
-కేటీఆర్, ఐటీ, పరిశ్రమల శాఖ మంత్రి
ఇదీ చదవండి: Green India Challenge: ఫిలింసిటీలో మొక్కలు నాటిన అమితాబ్, నాగార్జున
