దిశ ఎన్కౌంటర్ మృతుల కుటుంబసభ్యులకు ప్రభుత్వం భద్రత కల్పించింది. సిర్పూర్కర్ కమిషన్ ఆదేశాల మేరకు ఈ చర్యలు తీసుకుంది. ఎన్కౌంటర్పై సిర్పూర్కర్ కమిషన్ విచారణ కొనసాగిస్తోంది. కమిషన్ ఎదుట హాజరు కావొద్దంటూ బెదిరింపులు వస్తున్నాయని మృతుల కుటుంబ సభ్యులు కమిషన్ దృష్టికి తీసుకెళ్లారు. ఇప్పటికే చెన్నకేశవులు తండ్రిని రహదారి ప్రమాదంలో మృతి చెందాడని.. ఆ ప్రమాదంపైనా అనుమానాలున్నాయని కమిషన్కు తెలిపారు. విచారణకు హాజరు కాకుండా...కేసును ఉపసంహరించుకుంటే 25లక్షలు ఇస్తామని ఆశ చూపిస్తున్నారనే విషయాన్ని బాధితుల తరఫు న్యాయవాది... కమిషన్ దృష్టికి తీసుకెళ్లారు.
దీంతో విచారణ ముగిసే వరకు భద్రత కల్పించాలని కమిషన్ ఆదేశాలు జారీ చేసింది. ప్రస్తుతం కమిషన్ ఎదుట హాజరయ్యేందుకు వచ్చిన మృతుల కుటుంబ సభ్యులకు భద్రతగా ఓ కానిస్టేబుల్ ఉన్నాడు. మక్తల్ నియోజకవర్గంలోని గుడిగండ్ల, జక్లేర్ గ్రామాల్లోని బాధితుల ఇళ్ల వద్ద పికెట్ ఏర్పాటు చేశారు.
రూ.25లక్షలు ఇస్తామని బాధితులను బెదిరించారు. వారు డబ్బులకు లొంగకపోయేసరికి ప్రాణభయం కలిగించాలని యత్నించారు. అలా కూడా ఎన్నో వీళ్లకు ఎన్నోసార్లు ఇబ్బంది కలిగించారు. దానిని అఫిడవిట్లో దాఖలు చేసి కమిషన్ ముందు వ్యక్తపరిచారు. కమిషన్ దానిని నమ్ముతూ రక్షణ కల్పించడం జరిగింది. మక్తల్ మండలంలో బాధిత కుటుంబాలందరికీ భద్రతను ఏర్పాటు చేసింది. ఈ కేసు వాదిస్తున్న న్యాయవాదులకు కూడా రక్షణ కల్పించారు. -రజని, బాధితుల తరఫు న్యాయవాది
ఇదీ చదవండి: Disha case: దిశ ఎన్కౌంటర్ బాధితుల కుటుంబాలకు రక్షణ కల్పించండి: త్రిసభ్య కమిషన్
