భారీ వర్షాలు, వరదల నేపథ్యంలో జీహెచ్ఎంసీ ఎన్ఫోర్స్మెంట్ విభాగం సహాయక చర్యలు ముమ్మరం చేసింది. వరదల్లో చిక్కుకుపోయిన 2540 మందిని సురక్షింతగా కాపాడినట్టు జీహెచ్ఎంసీ ఎన్ఫోర్స్మెంట్ విభాగం డైరెక్టర్ విశ్వజిత్ తెలిపారు. అపార్ట్మెంట్ సెల్లార్లలో నిండిపోయిన నీటిని తోడేందుకు 72 డీ వాటరింగ్ బృందాలు పనిచేస్తున్నాయన్నారు. నగరంలో వరదలు ఎక్కువగా ఉన్న ప్రాంతాల్లో 6 బోట్లతో క్షేత్ర స్థాయిలో రక్షణ చర్యలు చేపట్టామన్నారు. ఇప్పటి వరకు 202 సెల్లార్లలో నీటిని తోడి.. విద్యుత్ పునరుద్ధరించినట్టు తెలిపారు.
ఆస్పత్రులు, సబ్స్టేషన్లలో నీటిని తోడేందుకు మొదటి ప్రాధాన్యత ఇస్తున్నామని.. దీనికోసం 105 డీవాటరింగ్ పంపులు పనిచేస్తున్నాయని చెప్పారు. అవసరం అయిన చోట రోడ్లపై పేరుకుపోయిన చెత్తను తరలించేందుకు మెషిన్లను ఉపయోగిస్తున్నామన్నారు. నగరంలో 390 చోట్ల నేలకూలిన చెట్లను 19 డీఆర్ఎఫ్ బృందాలు పనిచేసి వెంటనే తొలగించాయని తెలిపారు. ఇప్పటి వరకు వచ్చిన 645 ఫిర్యాదులు పరిష్కరించామని.. వరదల తర్వాత అంటువ్యాధులు సోకకుండా చర్యలు తీసుకునేందుకు ప్రత్యేక బృందాలను ఏర్పాటు చేశామని పేర్కొన్నారు.
ఇదీ చూడండి: రైతుకు సాయం.. యువతకు ఆదాయం!
