Diwali celabrations at raj bhavan అసెంబ్లీలో పాస్ అయిన బిల్లులకు ఆమోదం తెలిపే అంశం పూర్తిగా తన పరిధిలో ఉంటుందని గవర్నర్ తమిళిసై అన్నారు. రాజ్ భవన్లో నిర్వహించిన దీపావళి వేడుకల్లో పాల్గొన్న గవర్నర్తో మీడియా ప్రతినిధులు ముచ్చటించారు. గవర్నర్గా తనకు విస్తృత అధికారాలు ఉంటాయని తమిళిసై తెలిపారు. గవర్నర్గా తనకు ఉన్న పరిధికి లోబడే నడుచుకుంటున్నానని పునరుద్ఘాటించారు.
పెండింగ్లో ఉన్న బిల్లులను త్వరలోనే పరిశీలించి నిర్ణయం తీసుకుంటానని వెల్లడించారు. తాను ఎవరికీ వ్యతిరేకం కాదని... గవర్నర్గా తన బాధ్యతను ఎరిగి నిర్ణయాలు వెలువరిస్తానని పేర్కొన్నారు. అంతకు ముందు రాజ్భవన్లో దీపావళి వేడుకలు వైభవంగా జరిగాయి. పండుగ సందర్భంగా గవర్నర్ దంపతులను కలిసేందుకు సామాన్యులు తరలివచ్చారు. వారిని గవర్నర్ దంపతులు కలిసి దీపావళి శుభాకాంక్షలు తెలిపారు.
రాష్ట్రంలోని తెలంగాణ ప్రజలకు దీపావళి శుభాకాంక్షలు చెప్పారు. అందరూ ఆరోగ్యంగా, సంతోషంగా ఉండాలని కోరుకుంటున్నట్లు గవర్నర్ తమిళిసై వెల్లడించారు. ఎవరైతే బూస్టర్ డోస్ తీసుకోలేదో, వెంటనే తీసుకోవాలని సూచించారు. మంచి ఆరోగ్యకరమైన భోజనం చేస్తూ... జాగ్రత్తగా ఉండాలని విజ్ఞప్తి చేశారు.
ఇవీ చూడండి:
అభయారణ్యంలో ఆ వలస జీవుల.. వేదన అరణ్యరోదన
'ఉద్యోగ, ఉపాధి అవకాశాలు కల్పిస్తున్న తెరాసకి యువత అండగా నిలబడాలి'
