ఏ రాష్ట్రంలో లేని విధంగా తెలంగాణలో అత్యధికంగా గురుకులాలు నెలకొల్పి విద్యావ్యవస్థను పటిష్టంగా తీర్చుదిద్దుతున్నాని ముఖ్యమంత్రి కేసీఆర్ తెలిపారు. ఉపాధ్యాయులకు మెరుగైన సౌకర్యాలు కల్పిస్తూ, వారి సర్వతోముఖాభివృద్ధికి అన్ని చర్యలు తీసుకుంటున్నామన్నారు. దేశానికే తలమానికంగా రాష్ట్ర విద్యారంగాన్ని రూపుదిద్దే మహాయజ్ఞంలో వారు సంపూర్ణ భాగస్వాములు కావాలని కోరారు. విద్యార్థుల భవిష్యత్ను తీర్చిదిద్దడంలో గురువులది కీలకపాత్ర అని సీఎం అన్నారు. గురువుల సేవలు వెలకట్టలేనివన్నారు.
విద్యాలయాలు తిరిగి ప్రారంభమైనందున కొవిడ్ నిబంధనలు పాటిస్తూ, విద్యార్థుల ఆరోగ్యాన్ని పరిరక్షిస్తూ విద్యనందించాలన్నారు. భారత మాజీ రాష్ట్రపతి సర్వేపల్లి రాధాకృష్ణన్ జయంతి, జాతీయ ఉపాధ్యాయ దినోత్సవం సందర్భంగా ఉపాధ్యాయులందరికీ శుభాకాంక్షలు తెలిపారు. విద్యార్థుల భవిష్యత్ను తీర్చిదిద్ది బాధ్యతగల పౌరులుగా తీర్చిదిద్దుతున్న గురువుల సేవలు వెలకట్టలేనివని సీఎం తమ సందేశంలో పేర్కొన్నారు.
ఇదీ చదవండి: BEST TEACHER: బొమ్మల టీచరమ్మ.. బోధిస్తే భలే అర్థమవుతుంది!
