అంత‌ర్జాతీయ యోగా దినోత్సవం సందర్భంగా.. అబ్కారీశాఖ మంత్రి శ్రీనివాస్‌గౌడ్ హైద‌రాబాద్‌లోని త‌న నివాసంలో యోగాసనాలు వేశారు. ప్రపంచ యోగా డే సందర్భంగా సీఐఐ ఆధ్వర్యంలో నిర్వహించిన యోగా కార్యక్రమంలో మంత్రి పాల్గొన్నారు. జూమ్ యాప్‌ ద్వారా దాదాపు వెయ్యిమంది యోగసాధకులు ఈ కార్యక్రమంలో పరోక్షంగా పాలుపంచుకున్నారని పేర్కొన్నారు. ఆరోగ్యానికి యోగా ఎంతో మేలు చేస్తుందని... మానసిక ఒత్తిడిని అధిగమించేందుకు ఉపయోగపడుతుందని మంత్రి అభిప్రాయపడ్డారు. ప్రతిఒక్కరూ యోగా సాధనను అలవాటుగా చేసుకోవాలని మంత్రి శ్రీనివాస్ గౌడ్ సూచించారు.
ఇదీ చూడండి : యోగాసనాలు ఆరోగ్యానికి శాసనాలు.. మీరు తెలుసుకోండి..
