టోక్యో పారాలింపిక్స్లో డిస్కక్ త్రోయర్ వినోద్కు నిరాశ ఎదురైంది. ఆదివారం జరిగిన పోటీల్లో అతడు సాధించిన కాంస్య పతకం చేతికి చిక్కినట్లే చిక్కి చేజారిపోయింది. అతడు డిసేబిలిటీ క్లాసిఫికేషన్ రీఎసెస్మెంట్లో అర్హత సాధించలేకపోవడమే ఇందుకు కారణం.
ఆదివారం జరిగిన పోటీల్లో ఎఫ్52 కేటగిరీలో పాల్గొన్న వినోద్(41).. 19.91 మీటర్ల దూరం డిస్కస్‌ త్రో చేసి మూడో స్థానంలో నిలిచాడు. అయితే.. ఎఫ్52 కేటగిరీలో వినోద్(Vinod Kumar Paralympics) ఎంపికపై అనుమానం వ్యక్తం చేశారు కొందరు పోటీదారులు. వాస్తవానికి.. ఆగస్టు 22నే ఈ ఎంపిక ప్రక్రియ పూర్తైంది. అయినప్పటికీ పోటీదారులు అతడి ఎంపికపై అనుమానం వ్యక్తం చేశారు. దీంతో అతడు సాధించిన పతకాన్ని హోల్డ్లో ఉంచారు. డిసేబిలిటీ క్లాసిఫికేషన్ రీఎసెస్మెంట్ నిర్వహించారు. ఇందులో అతడు అర్హత సాధించలేకపోయాడు.
ఎఫ్52 కేటగిరీ అంటే..
బలహీనమైన కండరాల శక్తి, పరిమిత స్థాయి కదలిక, అవయవ లోపం లేదా కాళ్ల పొడవులో వ్యత్యాసం, వెన్నముక గాయంతో ఉన్న వారికి ఎఫ్52 పోటీలో పాల్గొనేందుకు అనుమతిస్తారు.
ఈ ఫలితం వల్ల టోక్యో పారాలింపిక్స్లో భారత్కు వచ్చిన ఏడు పతకాలలో ఒకటి చేజారిపోయింది. దీంతో భారత్ ఖాతాలో ఇప్పుడు ఒక స్వర్ణం, నాలుగు రజతాలు, ఒక కాంస్యం ఉన్నాయి.
ఇదీ చూడండి: పారాలింపిక్స్లో భారత్కు మరో పతకం.. వినోద్కు కాంస్యం
