టోక్యో ఒలింపిక్స్లో పతకం సాధించిన భారత స్టార్ షట్లర్, తెలుగు తేజం పీవీ సింధు మంగళవారం స్వదేశంలో అడుగుపెట్టింది. దిల్లీలోని ఇందిరాగాంధీ స్టేడియంలో సింధుకు అధికారులు ఘనస్వాగతం పలికారు. భారత్ చేరుకున్న తర్వాత తొలిసారి మీడియాతో మాట్లాడిన ఆమె.. కెరీర్లో తాను పనిచేసిన కోచ్లందరికీ ఈ సందర్భంగా ధన్యవాదాలు తెలియజేసింది.
"2024లో జరగనున్న పారిస్ ఒలింపిక్స్లో కచ్చితంగా ఉత్తమంగా రాణిస్తాను. దాని కోసం సన్నద్ధమయ్యేందుకు మనకెంతో సమయం ఉంది. ప్రస్తుతం టోక్యో ఒలింపిక్స్లో పతకం సాధించడాన్ని ఆస్వాదిస్తున్నాను. నేను పనిచేసిన ప్రతీ కోచ్ నుంచి ఎంతో నేర్చుకున్నాను. ప్రతి కోచ్కు.. విభిన్న శైలి, విభిన్నమైన టెక్నిక్స్ ఉంటాయి. వారి నుంచి ఎంతోకొంత నేర్చుకొని.. అవసరమైన సమయంలో వాటిని వినియోగించుకోవాలి. ఈ సందర్భంగా వారందరికీ నేను ధన్యవాదాలు తెలియజేస్తున్నా. నా ఆటలోని టెక్నిక్స్, స్కిల్స్పై ఎక్కువ దృష్టి సారించేందుకు అవసరమైన సమయం ఉంది."
- పీవీ సింధు, భారత స్టార్ షట్లర్
టోక్యో ఒలింపిక్స్ బ్యాడ్మింటన్ మహిళల సింగిల్స్‌లో కాంస్య పతకం సాధించిన సింధు.. రెండు వరుస ఒలింపిక్స్లో పతకాలు అందుకున్న తొలి భారతీయురాలిగా చరిత్ర సృష్టించింది. 2016లో జరిగిన రియో ఒలింపిక్స్లో సింధు రజతం కైవసం చేసుకుంది.
ఇదీ చూడండి.. Olympics Live:రెజ్లింగ్‌లో క్వార్టర్ ఫైనల్ చేరిన దీపక్
