ఇటాలియన్​ ఓపెన్ నుంచి సెరెనా ఔట్

ఇటాలియన్​ ఓపెన్​లో అమెరికా టెన్నిస్ ప్లేయర్ సెరెనా విలియమ్స్ ఓటమిపాలైంది. అర్జెంటినాకు చెందిన నదియా పొదరోస్కా చేతిలో కంగుతింది.

ఇటాలియన్‌ ఓపెన్‌లో అమెరికా టెన్నిస్ ప్లేయర్ సెరెనా విలియమ్స్‌ కథ ముగిసింది. తన కెరీర్‌లో 1000వ డబ్ల్యూటీఏ మ్యాచ్‌లో ఆమె పరాజయంపాలైంది. ఇటాలియన్‌ ఓపెన్‌ రెండో రౌండ్లో సెరెనా 6-7 (6-8), 5-7తో నదియా పొదరోస్కా (అర్జెంటీనా) చేతిలో కంగుతింది.

మూడు నెలల విరామం తర్వాత 39 ఏళ్ల సెరెనా బరిలోకి దిగిన తొలి టోర్నీ ఇదే. మరో మ్యాచ్‌లో ప్రపంచ నంబర్‌-2 నవోమి ఒసాకా (జపాన్‌) 6-7 (2-7), 2-6తో జెస్సికా పెగులా (అమెరికా) చేతిలో ఓడిపోయింది.

ఇదీ చదవండి:అంపైర్​పై జకోవిచ్ ఆగ్రహం- ఇటాలియన్ ఓపెన్​లో గెలుపు