హత్య కేసు ఆరోపణలు ఎదుర్కొంటున్నప్రముఖ రెజ్లర్ సుశీల్ కుమార్ ఎట్టకేలకు లొంగిపోవడానికి సిద్ధమైనట్లు తెలుస్తోంది. ఈ కేసు నుంచి తన పేరు తొలగించుకోవాలని ప్రయత్నాలు చేస్తున్నట్లు విశ్వసనీయ వర్గాలు వెల్లడించాయి.
మల్లయోధుడు సాగర్ రానా హత్య కేసులో నిందితుడిగా భావిస్తున్న సుశీల్ కోసం పోలీసులు గత కొన్నిరోజుల నుంచి గాలిస్తున్నారు. ఇప్పటికే నాన్ బెయిలబుల్ వారెంట్ కూడా జారీ చేసింది దిల్లీ కోర్టు. రెజ్లర్ ఆచూకీ తెలిపిన వారికి రూ.50 వేల నగదు పారితోషికం కూడా ప్రకటించారు దిల్లీ పోలీసులు. దీంతో లొంగిపోవడం తప్పితే సుశీల్కు మరో మార్గం కనిపించట్లేదు.
సుశీల్ మామయ్యతో పాటు కుటుంబ సభ్యులను పోలీసులు ప్రశ్నించారు. డిప్యూటేషన్పై ఛత్రశాల్ స్టేడియంలో పనిచేస్తున్నందున అతడిపై చర్యలు తీసుకోవాల్సిందిగా కేజ్రీవాల్ ప్రభుత్వాన్ని కోరారు.
ఏం జరిగింది?
దిల్లీలోని ఛత్రశాల్ స్టేడియంలో ఈ నెల 4న జరిగిన గొడవలో సాగర్ రానా అనే మల్లయోధుడు మరణించాడు. అతడితో పాటు మరో ఇద్దరు తీవ్రంగా గాయపడ్డారు. అయితే ఈ దాడిలో నిందితుడు సుశీల్ కుమార్ అని బాధితులు పేర్కొన్నారు. అప్పటి నుంచి పోలీసులు బృందాలుగా ఏర్పడి వెతుకుతున్నారు.
ఇదీ చదవండి: 'విజయ్.. నీ బ్యాట్ కంటే నోరే ఎక్కువ మాట్లాడుతుంది'
