PV Sinhu Swis open: భారత స్టార్ షట్లర్ పీవీ సింధు స్విస్ ఓపెన్లో అదరగొట్టింది. నేడు(ఆదివారం) జరిగిన స్విస్ ఓపెన్ ఫైనల్లో థాయిలాండ్కు చెందిన బుసానన్పై 16-21, 8-21 తేడాతో గెలుపొంది.. టైటిల్ను కైవసం చేసుకుంది. ఈ మ్యాచ్ 49 నిమిషాల్లోనే ముగిసింది.
ఈ ఏడాదిలో సింధుకు ఇది రెండో సూపర్ 300 టైటిల్. జనవరిలో సయ్యద్ మోదీ ఇంటర్నేషనల్ టైటిల్ను గెలుచుకుంది. ఇక ఈ స్విస్ ఓపెన్కు ముందు గత వారం జరిగిన ఆల్ ఇంగ్లండ్ ఓపెన్లో సింధు సెమీస్ వరకు వెళ్లి నిష్క్రమించింది. సెమీఫైనల్లో థాయ్లాండ్ ప్లేయర్ పోర్న్‌పావీ చోచువాంగ్ చేతిలో 17-21, 9-21 తేడాతో పరాజయం పాలైంది. ఇక మార్చి మొదటి వారంలో జర్మన్ ఓపెన్లో మహిళల సింగిల్స్ రెండో రౌండ్లోనే సింధు వెనుదిరిగింది. చైనాకు చెందిన ఝాంగ్యి మాన్ చేతిలో 14-21 21-15 14-21 తేడాతో సింధు ఓటమి పాలైంది. కాగా, ఈ టోర్నీ పురుషుల సింగిల్స్లో ఫైనల్కు చేరిన భారత బ్యాడ్మింటన్ ప్లేయర్ హెచ్ఎస్ ప్రణయ్కు నిరాశ ఎదురైంది. ఇండోనేసియాకు చెందిన క్రిస్టో చేతిలో 12-21, 18-21 తేడాతో ఓటమి పాలయ్యాడు. ఈ మ్యాచ్ 48 నిమిషాల పాటు సాగింది.
ప్రధాని నరేంద్ర మోదీ ప్రశంసలు
స్విస్ ఓపెన్ విజయం సాధించడంపై పలువురు ఆమెకు శుభాకాంక్షలు తెలుపుతున్నారు. ప్రధాని నరేంద్ర మోదీ కూడా ఆమెకు ప్రత్యేకంగా శుభాకాంక్షలు తెలుపుతూ ప్రశంసించారు. "ఆమె సాధించిన విజయాలు భారతదేశ యువతకు స్ఫూర్తినిస్తాయి. భవిష్యత్లో ఆమె మరిన్ని విజయాలు సాధించాలని ఆశిస్తున్నా" అని అన్నారు.
ఇదీ చూడండి: IPL 2022: టాస్ నెగ్గిన దిల్లీ.. ముంబయి బ్యాటింగ్
