Australia Open Super 500 : భారత స్టార్ షట్లర్ హెచ్ ఎస్ ప్రణయ్ మరోసారి విజృంభించాడు. శనివారం జరిగిన ఆస్ట్రేలియా ఓపెన్ సెమీస్ టోర్నీలో తన ప్రత్యర్థి అయిన మరో భారత షట్లర్ ప్రియాన్షు ప్రజావత్పై 21-18, 21-12 తేడాతో గెలుపొందాడు. తద్వారా ఫైనల్స్కు చేరుకున్నాడు. వ‌ర‌ల్డ్ నెంబ‌ర్ 9 ర్యాంక్‌లో ఉన్న ప్రణయ్.. కేవ‌లం 43 నిమిషాల్లో ప్ర‌త్య‌ర్థిని మ‌ట్టిక‌రిపించాడు.ఈ గెలుపుతో ప్రణయ్ తొలిసారి సూపర్ 500 టోర్నీలో సెమీస్‌లోకి గ్రాండ్ ఎంట్రీ ఇచ్చాడు. మరోవైపు ఆస్ట్రేలియా ఓపెన్ ఫైన‌ల్లో చైనాకు చెందిన వెంగ్ హాంగ్ యాంగ్‌తో రానున్న మ్యాచ్కు ప్రణయ్ త‌ల‌ప‌డ‌నున్నాడు.
Australia Open Hs Prannoy : ఇక శుక్రవారం జరిగిన క్యార్టర్స్లో ఆరో సీడ్ హెచ్ఎస్ ప్రణయ్.. టాప్ సీడ్ అంథోని గింటింగ్‌తో తలపడ్డాడు. ఈ పోరులో 16-21, 21-17, 21-14 తేడాతో ప్రణయ్ విజయం సాధించాడు. తొలి సెట్ ఓడిపోయినప్పటికీ రెండో సెట్‌లో వేగం పుంజుకుని సెమీస్కు చేరుకున్నాడు. కాగా ప్రణయ్‌కు ఈ ఏడాది ఇది సూపర్ - 500 టోర్నీలలో మూడో సెమీస్ కావడం విశేషం.
ఆ ఇద్దరికీ నిరాశే..
PV Sindhu Australia Open : మరోవైపు ఇండియా స్టార్ షట్లర్స్ కిడాంబి శ్రీకాంత్, పీవీ సింధు, తమ పేలవ ఫామ్ను కొనసాగిస్తున్నారు. తాజాగా జరిగిన ఆస్ట్రేలియన్‌ ఓపెన్ సూపర్–500 టోర్నీలో క్వార్టర్‌ ఫైనల్లోనే వెనుతిరిగారు. మహిళల సింగిల్స్లో ఐదోసీడ్‌‌గా బరిలోకి దిగిన సింధు 12–21, 17–21తో నాలుగోసీడ్‌ బీవెన్‌ జాంగ్‌ చేతిలో ఓటమిపాలైంది. గతంలో జాంగ్‌‌తో తలపడి పది మ్యాచ్‌‌ల్లో ఆరుసార్లు నెగ్గిన సింధు.. ఈ సారి మాత్రం పట్టు సాధించలేకపోయింది.
Kidambi Srikanth Australia Open : ఇక పురుషుల క్వార్టర్‌ ఫైనల్స్లో కిడాంబి శ్రీకాంత్ 13–21, 8–21తో ఇండియాకు చెందిన ప్రియాన్షు రజావత్‌ చేతిలో ఓడాడు. తొలి రౌండ్‌లో గట్టి పోటీనిచ్చినప్పటికీ.. ఆ తర్వాత జరిగిన రెండో రౌండ్‌లో శ్రీకాంత్ పూర్తిగా డీలాపడిపోయాడు. అదే టోర్నీలోని సెమీస్.. ఆరోసీడ్‌ హెచ్.ఎస్. ప్రణయ్ 16–21, 21–17, 21–14తో టాప్‌‌సీడ్‌ ఆంథోని సిన్సుకా గింటింగ్‌ (ఇండోనేసియా)పై సంచలన విజయం సాధించాడు.
