డబ్ల్యూపీఎల్‌లో భాగంగా నేడు(మార్చి 18) జరిగిన మ్యాచ్లో గుజరాత్ జెయింట్స్పై రాయల్ ఛాలెంజర్స్ బెంగళూరు అద్భుత విజయం సాధించింది. 275 స్ట్రైక్ రేట్తో ధనాధన్ ఇన్నింగ్స్ ఆడిన సోఫీ డివైన్(36 బంతుల్లో 99; 9x4,8x6) ఒక్క రన్ తేడాతో సెంచరీ మిస్ చేసుకుంది. అలా సోఫీ అద్భుత ఇన్నింగ్స్ తోడవ్వడం వల్ల 189 పరుగుల లక్ష్యాన్ని.. 15.3 ఓవర్లలోనే రెండు వికెట్ కోల్పోయి ఆర్సీబీ ఛేదించింది. కెప్టెన్ స్మతి మంధాన(37) స్నేహా రాణా బౌలింగ్లో తొలి వికెట్గా వెనుదిరిగింది. ఆ తర్వాత దూకుడుగా ఆడిన సోఫీ డివైన్ ఒకానొక దశలో 303 స్ట్రైక్ రేట్తో చెలరేగిపోయింది. అయితే ఆమె.. జట్టు స్కోరు 157 పరుగుల వద్ద కిమ్ గార్త్ బౌలింగ్లో షాట్కు యత్నించి అశ్వని కుమారికి క్యాచ్ ఇచ్చి ఔట్ అయింది. ఇక చివర్లో వచ్చిన ఎల్లిస్ పెర్రీ(19*), హీదర్ నైట్(22*) స్కోరు బోర్డును ఇంకాస్త ముందుకు తీసుకెళ్లారు. మొత్తంగా
అంతకుముందు టాస్‌ గెలిచి బ్యాటింగ్ చేసిన గుజరాత్లో ఓపెనర్‌ లూరా వోల్వార్డ్ (68; 42 బంతుల్లో 9×4,2×6) హాఫ్సెంచరీతో విజృంభించగా.. సబ్బినేని మేఘన (31; 32 బంతుల్లో 4×4), గార్డెనర్‌ (41; 26 బంతుల్లో 6×4, 1×6) పరుగులు చేశారు. అయితే బ్యాటింగ్ ప్రారంభించగానే గుజరాత్కు ఆదిలోనే షాక్ తగిలింది. ప్రారంభంలోనే వికెట్ కోల్పోయింది. డివైన్ బౌలింగ్ మూడో ఓవర్‌ నాలుగో బంతికి ఓపెనర్‌ డంక్లీ (16) బౌల్డ్ అయ్యింది. ఆ తర్వాత క్రీజులోకి వచ్చిన మేఘన ఎంట్రీ ఇచ్చింది. ఆమె.. మరో ఓపెనర్‌ వోల్వార్డ్తో కలిసి ఇన్నింగ్స్ను నిర్మించింది. వీరిద్దరూ కలిసి రెండో వికెట్‌కు 90 పరుగులు నమోదు చేశారు. అయితే దూకుడుగా ఆడుతున్న ఈ జంటను ప్రీతి బోస్‌ విడగొట్టింది. 12వ ఓవర్‌ లాస్ట్ బాల్లో రిచా ఘోష్‌కు క్యాచ్ ఇచ్చి మేఘన ఔట్ అయింది. అయితే.. మరో ఎండ్‌లో ఉన్న వోల్వార్డ్ మాత్రం.. తర్వాత క్రీజులోకి వచ్చిన బ్యాటర్‌ గార్డెనర్‌తో కలిసి వరుస బౌండరీలు బాదింది. స్కోరు బోర్డును ముందుకు పరుగులు పెట్టించింది. అయితే, ఈ క్రమంలోనే శ్రేయాంక పాటిల్‌ వేసిన 17వ ఓవర్‌ లాస్ట్ బాల్కు ప్రీతికి క్యాచ్ ఇచ్చి వోల్వార్డ్ వెనుదిరిగింది. అప్పటికే జట్టు స్కోరు 142. అయితే అప్పుడే 41 పరుగుల వ్యక్తిగత స్కోరు వద్ద గార్డెనర్‌ కూడా ఔటవ్వడంతో స్కోరు వేగం తగ్గిపోయింది. ఆ తర్వాత హేమలత (16*), డియోల్‌ (12*) రన్స్ చేయడంతో గుజరాత్ జెయింట్స్ నిర్ణీత 20 ఓవర్లలో 4 వికెట్లు కోల్పోయి 188 పరుగులు చేసింది. రాయల్ ఛాలెంజర్స్ బెంగళూరు బౌలర్లలో శ్రేయంక పాటిల్‌ 2 వికెట్లు తీయగా.. సోఫీ డివైన్, ప్రీతి బోస్‌ చెరో వికెట్ పడగొట్టారు.
ఇదీ చూడండి: WPL 2023 : ముంబయిపై యూపీ వారియర్స్ విజయం.. ప్లే ఆఫ్స్ ఆశలు సజీవం
