World Cup 2023 Online Ticket : మరో 40 రోజుల్లో మెగా సమరం మొదలుకానున్న సంగతి తెలిసిందే. భారత్ వేదికగా వన్డే ప్రపంచకప్‌-2023కు రంగం సిద్ధమైంది. అయితే మెయిన్ టోర్నీకి ముందు సన్నాహకంగా జరిగే వార్మప్ మ్యాచ్ల షెడ్యూల్‌ను ఐసీసీ బుధవారం విడుదల చేసిన సంగతి తెలిసిందే. టోర్నీలో 10 జట్లు పాల్గొననున్నాయి. సెప్టెంబర్ 29 నుంచి అక్టోబర్‌ 3 వరకు వార్మప్ మ్యాచులు.. హైదరాబాద్, తిరువనంతపురం, గువహటి వేదికగా జరగనున్నాయి. భారత్ తమ తొలి వార్మాప్‌ మ్యాచ్ను సెప్టెంబర్ 30న డిఫెండింగ్‌ ఛాంపియన్‌ ఇంగ్లాండ్తో గువహటి వేదికగా ఆడనుంది.
- అయితే ఈ ప్రపంచ కప్‌ కోసం 'బుక్‌ మై షో'ను తమ టికెటింగ్‌ భాగస్వామిగా బీసీసీఐ అనౌన్స్ చేసింది. ప్రధాన మ్యాచ్‌లు, వార్మప్ మ్యాచ్‌లు కలిపి మొత్తం 58 మ్యాచ్ల టికెట్లను ఈ బుక్‌ మై షో ప్లాట్ఫామ్ ద్వారా కొనుగోలు చేయొచ్చని తెలిపింది.
- టీమ్ఇండియా మినహా ఇతర జట్ల వార్మప్ మ్యాచ్‌లు, ప్రధాన మ్యాచ్‌లకు సంబంధించిన టికెట్లు ఈ నెల ఆగస్ట్ 25 నుంచి అందుబాటులో ఉండనున్నాయని తెలిపింది. ఇండియాకు సంబంధించిన మ్యాచ్ల టికెట్లు ఆగస్ట్ 30 నుంచి అందుబాటులో ఉంటాయి.
- అయితే బోర్డు స్పాన్సర్లలో ఒకరైన మాస్టర్ కార్డ్ వినియోగదారులకు మాత్రం ఓ స్పెషల్ ఆఫర్ ఇచ్చారు. ఒకరోజు ముందుగానే(ఆగస్ట్ 24 సాయంత్రం 6 గంటల నుంచే) టికెట్లు అందుబాటులో ఉంటాయి. టీమ్ఇండియా ఆడే మ్యాచుల టికెట్లు ఆగస్ట్ 29 సాయంత్రం 6 గంటల నుంచే ఉంటాయి.
- టీమ్ఇండియా ఆడే వార్మప్ మ్యాచ్‌లకు సంబంధించిన టికెట్లు ఈ నెల 30 నుంచి అందుబాటులో ఉండనున్నాయి. అలాగే టీమ్ఇండియా ఆడే ప్రధాన టోర్నీ మ్యాచ్ టికెట్లను నాలుగు ధపాలుగా విడుదల చేయనున్నారు.
- చెన్నై, దిల్లీ, పుణెలో టీమ్ఇండియా ఆడే మ్యాచ్‌లకు ఆగస్టు 31 రాత్రి 8నుంచి నుంచి, ధర్మశాల, లఖ్నవూ, ముంబయిలో ఆడే మ్యాచ్‌లకు సెప్టెంబర్ 1 రాత్రి 8నుంచి నుంచి, బెంగళూరు, కోల్‌కతాలో ఆడే మ్యాచ్‌లకు సెప్టెంబర్ 2 రాత్రి 8నుంచి నుంచి, అహ్మాదాబాద్లో జరిగే టీమ్ఇండియా మ్యాచ్కు సెప్టెంబర్ 3 రాత్రి 8నుంచి టికెట్లను బుక్‌ చేసుకోవచ్చు.
- సెమీఫైనల్, ఫైనల్‌కు సంబంధించిన టికెట్లను సెప్టెంబర్ 15 రాత్రి 8 నుంచి అందుబాటులో ఉంటాయి. బీసీసీఐ విడుదల చేయనుంది. మాస్టర్ కార్డ్ ఉన్నవారికి సెప్టెంబర్ 14 సాయంత్రం 6 గంటల నుంచే ఉంటాయి.
Ind vs Ire 3rd T20 : వర్షం కారణంగా ఆగిపోయిన మూడో టీ20.. 2-0 తేడాతో సిరీస్ భారత్ కైవసం
