పాకిస్థాన్ అంటే చెలరేగిపోయే టీమ్ఇండియా మాజీ డ్యాషింగ్ ఓపెనర్ వీరేంద్ర సెహ్వాగ్.. తన ఫెవరెట్ మెమొరీస్ పంచుకున్నాడు. పాకిస్థాన్ మాజీ పేసర్ షోయబ్ అక్తర్తో ఓ క్రీడా ఛానల్ నిర్వహించిన చిట్చాట్ కార్యక్రమంలో పాల్గొన్నాడు. ఈ సందర్భంగా పాక్ జట్టుపై ముల్తాన్లో త్రిపుల్ సెంచరీ బాదిన క్షణాలను గుర్తు చేసుకున్నాడు. పాక్ బౌలర్లు అక్తర్, మహమ్మద్ సమీ గంటకు 145, 155 కిలోమీటర్ల వేగంతో బౌలింగ్ చేసేవారన్నారు. వారిద్దరినీ ఎదుర్కొన్నాక తనకు కాన్ఫిడెన్స్ పెరిగిందన్నారు. షబ్బీర్ అహ్మద్, అబ్దుల్ రజాక్ లాంటి పాకిస్థానీ పేసర్లను ఎదుర్కొన్నప్పడు, స్పిన్నర్స్ని ఎదుర్కొన్న ఫీలింగ్ కలిగిందని చెప్పారు.
''2004లో ముల్తాన్లో పాకిస్థాన్తో ఆడిన టెస్టు ప్రదర్శనే నాకు ఫెవరెట్ మెమొరీ. ఎందుకంటే నాలాంటి ప్లేయర్, ఓపెనర్ ట్రిపుల్ సెంచరీ చేస్తాడని ఎవరూ అనుకోలేదు. సెహ్వాగ్ టెస్టు ప్లేయర్ కాదని, అతడు భారీ స్కోర్లు చేయలేడని వార్త పత్రికల్లో రాసేవారు. కామెంటేటర్స్ కూడా అలానే అనేవారు. అయితే దానికన్నా ముందు నేను ఆడిన 4 వన్డే ఇన్నింగ్స్ల్లో కూడా నా ప్రదర్శన అంతంత మాత్రంగానే ఉంది. అప్పుడు నేను పరుగులు చేయకుంటే, టీమ్ నుంచి తీసేస్తారేమోనని అనుకునేవాడిని. కానీ ముల్తాన్ టెస్టులో మంచి స్టార్ట్ దొరికితే స్కోరు భారీగా చేద్దామనుకున్న. అనుకున్నట్టుగానే ముల్తాన్ టెస్టులో నాకు మంచి ఆరంభం లభించింది'' అని సెహ్వాగ్ వీడీయోలో పేర్కొన్నారు.
పాకిస్థాన్తో ఎప్పుడు మ్యాచ్ జరిగినా వీరేంద్ర సెహ్వాగ్ అత్యుత్తమ ప్రదర్శన చేసేవారు. వీరూ కెరీర్లో 2004 ముల్తాన్లో పాకిస్థాన్తో జరిగిన టెస్ట్ ప్రదర్శన ప్రత్యేకమైనది. ఆ మ్యాచ్లో సెహ్వాగ్ 309 పరుగులు చేశాడు. ఆ ఘనత సాధించిన తొలి భారతీయుడిగా రికార్డులకెక్కాడు. అదే మ్యాచ్లో సచిన్ 194 పరుగులతో అజేయంగా నిలిచాడు. దీంతో భారత్ 675/5కు తొలి ఇన్నింగ్స్ డిక్లేర్ చేసింది. తర్వాత పాకిస్థాన్ 407 పరుగులు చేసింది. ఫాలోఆన్ ఇన్నింగ్స్లో పాకిస్థాన్ 216 పరుగులకే పరిమితమైంది. దీంతో భారత్ ఇన్నింగ్స్ 52 పరుగుల తేడాతో విజయం సాధించింది.
ఇవీ చూడండి:
